立場新聞 Stand News

DQ梁振英是當前急務

2016/11/21 — 8:19

梁振英在秘魯APEC會議展開他的「迎送生涯」,以同習近平握手及會面為角逐連任集氣,藉習總為自己造勢。梁過去經常用計為自己做宣傳,會面後自行發出新聞稿引述如何受中央領導嘉許,但官方新華社發稿則多刪去梁的嘉許內容,最後當然是自己攞嚟衰。

今屆明顯習核心對特首選舉採取睇定先落注的策略,起碼打完上半場先至落盤,以免重蹈上屆爆冷的無面情況。這次情況比上屆複雜,因為多了ABC(Anyone But CY)元素,中央能否掌控689票,實在成疑。梁振英及西環手鐵票不會多於500票,非建制手上至少有300票,剩下的就是本地工商、專業勢力。上次不少專業界別受西環及中央指使,投了梁一票,今屆好多會變了反梁ABC,例如醫學界就是好例子。ABC加上非建制只要達成合作,綑綁式投給非梁候選人,如葉劉、財爺、曾主席、攞命陳是但一人,而且只要事先公佈,或眉來眼去,梁就已經完蛋。北京敢再冒一次政治風險去挺梁嗎?

問題是非建制陣營「膠人」當道,梁振英才能伺機再起。非建制及泛民一直只重視政治形象,不願介入現實政治。例如一棚高教界組合便以投白票來顯示自己的政治道德多高尚。投白票即係間接協助梁,因為佢唔要游離票,靠西環鐵票。如果咁反對小圈子選舉,應該由今日開始絕食,而唔係參與小圈子選舉。一如梁游二人又要加入建制又要擺出反建制姿勢,結果中伏被DQ。

廣告

即使其他唔參與投白票,佢哋是否有計劃同ABC陣營公開傾,例如自由黨田少,在趕走689大前提下組成聯合陣線,選擇其中一位候選人作綑綁式投票。這動作將會令689入閘機會也降低,何解?習核心是需要通過特首選舉顯示領導人的權威,所以一定要買中,因此才會押後入閘至12月特首1,200人選委產生之後,呢個時候計票會更加準確,可以睇住名單逐個圈,如果計過挺梁無把握攞到601票,自然會放棄佢。

內地選舉叫做選拔,即係大家選完,再由中央去「拔」,如果條友根本欠各方支持,中央也不能硬拔,因為會損害中央權威。所以如果真係要趕走689,就唔好再理梁的競選工程「反港獨運動」,重新聚焦特首選委的合縱連橫計劃。

廣告

如果今次放走689,由他做多五年,香港必死無疑。

(文章原刊蘋果日報

發表意見