立場新聞 Stand News

FB見民意?談「迴音壁效應」

2015/3/12 — 11:36

9olitics編按:「光復屯門」你以為上FB就掌握真理?真係全世界都係撐你嘅光復L/左膠?醒下啦年青人,其實全部都是你分身留言覆你!

FB見民意?—「迴音壁效應」

話說日前有線新聞台fb有個post報導「光復屯門」,一入去見到啲 CM,好多都係鬧光復屯門班友係暴徒;但轉去睇下啲 share,又調轉好多個人話呢班青年係香港之光。點解咁架!?極危險,連思覺漸也失調……

廣告

學術界嘗試以「網絡迴音壁效應」解構呢種情況,亦即係大家長期生活係同自己意見一樣嘅群體,係單一意見不斷壯大下,基本上容納唔到反對意見;持有反對意見嘅朋友一係選擇沉默,一係選擇離開,出現惡性循環。

社交媒體本身就係「網絡迴音壁」元兇之一:FB作為商業機構係唔收用戶費用嘅情況下,透過賣廣告維生。為左增加廣告收益,佢地推出相當「貼心」嘅服務:只係show你有興趣嘅廣告(例子你like左顏卓靈,佢見你有taste就會建議你like湯唯,唔通叫你like蔡卓妍咩)。

廣告

依個思維亦應用係佢地提供嘅服務入面,佢哋跟據你係社交媒體嘅網絡行為,推算出你有機會鍾意或者唔鍾意乜野內容,從而再進行篩選。所以你每一個like,每一個留言同share,都決定你將來睇見或睇唔見咩內容。

「牛唔飲水點按得牛頭低?」人都會有惰性,活在自己世界往往比較舒服。問心果句大家除左stereotype左反對意見,係離地左膠,或者本土傻仔,大家有無深入理解佢理據,從而深入理性討論?定係選擇左慳水慳力x左人地老母,再抵制呢班唱k大作戰?社交媒體只係提供咗磚頭水泥,迴音壁最後都係靠我地自己起出黎。

文:LoL

9olitics facebook page

另看有線新聞【屯門再爆反自由行衝突】

發表意見