立場新聞 Stand News

Hi ! 真係好向左走向右走好笑

2015/6/19 — 13:49

鋪排咗二十個月(葉劉話辛苦咗二十個月),浪費咗過億...原來就喺因為想引我地一笑。

鋪排咗二十個月(葉劉話辛苦咗二十個月),浪費咗過億...原來就喺因為想引我地一笑。

Hi* ! 黃子華應該都度唔到咁好笑!

不埋是陰謀還是真心豬,只看結果和過程:

鋪排咗二十個月(葉劉話辛苦咗二十個月),浪費咗過億(一個立法會議員月薪為87,450港元,三三個 X 二十個月=57,750,000港元,加埋官員高薪,大量宣傳等),一直公開討論都義正嚴詞(無睇直播既請自行Youtube,爆笑效果更佳),吹到支持政改等於自己生命一樣,自己代表的真正民意,請尊重香港市民,一定要支持政改等...

廣告

原來就喺因為想引我地一笑。

廣告

民豬聯(我不想侮辱豬,不過坊間及自己都認為此生物最貼切)一直同政府努力護航,而投票一刻,成班建制突然成班仆前仆後趕住走出議會廳,不投呢個辛苦咗二十個月的一票。 我仲以為走緊火警。

然後政改以28票反對、8票贊成、1人未投票被否決。

仲未夠好笑?

民豬聯趕住走出議會廳不投票原因係:

「等埋發叔」

而其他連黨名都唔係好記得既建制派原因係:

「民豬聯做乜我地就做乜」

仲能夠更好笑?

睇埋今朝立場結合既建制派既個人意見時,我真係忍唔到:

葉劉:好難過,好遺憾⋯辛苦20個月未能投票⋯(但係你走咗)

黃國健:昨日決定離場的人才要負「更大的責任」(但係你走咗)

蔣麗芸:慘不忍睹 有人自我 有人戇居(但係你走咗)

吳亮星:不會問,先起行(但係你走咗)

陳婉嫻:不知發生什麼事(所以你走咗)

有個無離場無投票既不知名立會議員:「我諗緊想唔想按掣嘅時候,原來投票已經結束咗。」(所以你呆咗)

前天還不斷叱責對方陣形不要被綑綁投票,要有自由意志。

責任推卸的原因反智到極限,被辱為豬是已經是最大俾面。

在最不應該走的時候走,在最不應該跌的時候跌,一直是笑片搞笑的主要元素。

感謝你班生物用咗咁多我地既時間和我地既金錢使我們在最不應該笑的時候令我們笑。

*標題編按:香港著名討論區「香港討論區」,近年曾設置高登粗口Filter,「過濾」粗口字並以其他字眼代替。「Hi !」與「向左走向右走」都是該批特定字眼。題目〈Hi ! 真係好向左走向右走好笑〉中,「Hi !」「向左走向右走」如果轉換為日常粗口用語,意思為〈屌!真係好撚好笑〉。

 

發表意見