立場新聞 Stand News

港視新劇 黎彼得備雨傘泳鏡 倒梁爭普選

2015/5/13 — 13:54

《歲月樓情》截圖

《歲月樓情》截圖

香港電視昨日啟播的新劇《歲月樓情》,出現示威者帶備雨傘、泳鏡,參與反對特首梁振英、爭取真普選的情節。

雨傘是2014年下半年香港大型佔領運動的象徵,在佔領運動中亦流行「抗爭三寶」的講法,即眼罩(或泳鏡)、口罩及安全帽;示威者另會備有清水,預備在給警方胡椒噴霧噴中時作清洗之用。

該齣在2013年拍攝的新劇,第二集講述黎彼德飾演的岳父角色,在回歸前希望大陸「嗱嗱聲收返香港」,不想做二等公民;回歸十多年後,黎的角色成為熱衷參與示威者,在梁振英當選當日攜同要求爭取普選的標語,以及泳鏡、雨傘及水等「示威三寶」準備去示威,但被當差的女婿黃日華勸阻;黎彼德堅持,「只要香港一日無普選,我就會企出嚟撐」。劇中出現梁振英就任當日唱國歌的片段,以及要求盡快落實普選的標語。

廣告

黃日華:點呀岳父,又去示威呀?嘩係,重裝備喎。

黎彼德:示威三寶齊晒啦,水、泳鏡、遮,全部齊全。真係要多謝梁振英…

黃日華:人哋今日至做特首咋,唔好搞咁多嘢啦

黎彼德:只要香港一日無普選,我就會企出嚟撐。話畀你聽,人哋啲鬼佬喺外國呢,全民選總統㗎嘛,我哋呢個特首,689票又話當選,真係,搞嘢咩?

廣告

發表意見