立場新聞 Stand News

Pokemon Go 非邪唯有死耶撚教撞邪

2016/7/29 — 12:31

Pokemon GO 遊戲截圖

Pokemon GO 遊戲截圖

香港耶撚教會食屎啦!打機捉小精靈就話接觸邪靈,我話你班仆街個個邪靈附體就真啦!

好多教會人士及高層,一個二個跟共產黨呢個現世魔王接吻,啲耶撚教會幾時有開過半句聲呀?

若論教義,只要你信心足夠,知道造物主只得耶和華一位,世間所有動物、精靈都只是被創造之物,你又駛乜驚人「接觸」妖怪而遠離上主呢?咁驚不如禁埋人養貓狗啦。再講只係打機遮。幾十年前啲遊戲,已經讓遊戲主角吞藥水而施魔法,都好邪下咁喎,你又唔一早叫人禁絕所有電子遊戲?下下論斷別人,禁絕別人做某啲嘢,只反映你內心虛怯,對上主的信心不夠。

廣告

死耶撚根本就係假先知

點解你信心不夠呀?因為就根本就係假先知囉!扮撚曬嘢。耶穌在世時,最撚討厭就係你呢啲假先知架啦。耶穌從來唔介意人犯罪,因為耶穌來世上之目的就係教罪人悔改。但耶穌最憎就係你呢班假道學之士!乜你唔知咩?唔知你就去乖乖地睇下聖經啦,睇下耶穌點撚樣同班法利賽人周旋對抗。

廣告

十誡第三誡就係「不可妄稱耶和華的名字」。你班撚樣,有著數舐果陣,或者要吸選票,就話自己係基督徒乜,基督徒勿,面對社會不公義之事,就唔撚出聲。為左個人私利而在人面前認主,扮撚曬虔誠好撚大支嘢咁,絕對犯了妄稱耶和華之名的死罪。

仲有呀,耶穌要求佢啲信徒,要撇下一切跟隨佢,仲話:「去變賣你所有的,分給窮人,就必有財寶在天上,你還要來跟隨我。」(馬可福音10章21節) 喂,唔該,睇下你啲教會,最鍾意做乜,咪就係買物業囉!日日開壇講道就順手向信徒籌錢,話睇中左邊個物業想買,美其名話方便弟兄姐妹聚會。但我未聽過耶穌講道要自己買物業架囉!耶穌鍾意去山地、曠野講道,總之四海為家,有地方就可以聚會,乜你唔知咩死耶撚!唔知唔該你去睇下「五餅二魚」個故事啦。

寓言故事可成為福音教材

無人會蠢到當左一眾寵物小精靈係真實存在,再講丫,我地由細到大,好多知識和人生道理,都係透過疑幻疑真嘅故事來學習。《龜兔賽跑》呢個故事,我地BB仔果陣就聽大人講,唔通你真係傻到會相信烏龜相約兔仔比賽跑步?其實故事個真實性根本唔重點,最重要係我地可以學習到背後個道理,就係做人不要像兔仔一樣自滿和懶惰,要學習烏龜咁做事要有恒心和毅力,不要擔心輸在起跑線,最緊要係贏在終點線!情況就好似,即使我地一生出來就滿身罪污,或被蒙蔽而遠離主的道路,但唔緊要,只要我地願以烏龜為榜樣,後天肯努力認識主,勇於悔改,誠心誠意,持之以恒地跟隨主的腳步,將來就可以贏在終點線,藉著耶穌的寶血上天國與造物主相聚。
因此,我根本就唔駛同你班死耶撚一齊去考究班寵物小精靈係真定假,邊隻係日本神道教的神社出現過。我只知道,好多卡通人物的造型,都係取材自大自然的生物。所有大自然的生物,都係造物者的奇蹟!我地一齊透過一啲故事、漫畫、遊戲,去認識造物主的偉大,有咩唔好?唔一定下下關在教會入面齊唱「哈利路亞」先至可以歌頌上主架!

從遊戲演化功能思考主的奧妙

我舉一個例子,Pokemon Go遊戲入面有一個功能叫「Evolution」,就係將啲啲小精靈演化。

以Caterpie這隻小精靈為例,一開如佢屬幻蟲狀態,玩家儲夠Caterpie Candy,就可以將佢演化成Matepod,這時候佢就屬於蛹的狀態。最後,玩家可以再將Matepod演化成Butterfree,變成一隻成蟲。而Butterfree不論其名字和外表,都取材自蝴蝶(Butterfly)。

一個細路仔或大人,平日見蝴蝶飛過,就只係見到蝴蝶,未必可以親眼目睹一隻蝴蝶原來之前經歷過幻蟲和蛹的演化,但卻可以透過遊戲而親身參與。我地以此為教材,讓小朋友和大人一齊學習和思考造物主的奧妙,有咩唔好?

總結,耶撚和耶教徒是兩班人。我認識不少熱心於教會侍奉工作的朋友,都睇唔過眼班死耶撚的劣行,覺得佢地係度倒米,令基督教遠離群眾。本來耶穌降世之目的,就係要貼地氣,拉近人類和上帝的關係,而唔係要上主的福音自絕於天下。只不過啲基督徒朋友,都要自己顧下形象,只能暗中叫苦,不便狂屌死耶撚然而。一眾死耶撚根本就係撞邪,人人得而屌之!然而,福音大門係為所有人而設,只要你誠心悔改,及早脫離耶撚教會的毒害,你和你的一家將必得救!
 

發表意見