林彥邦

林彥邦

傳媒人,涉足報章、電台、電視,沉迷文字,喜愛說故事,希望成為擅長說故事的人。

2019/7/22 - 6:29

QUICK FACT CHECK 元朗警方

元朗區助理指揮官(刑事)游乃強

元朗區助理指揮官(刑事)游乃強

-警方2241接到一宗求助,現場有糾紛,後來發現有人打鬥

糾紛?咁樣叫糾紛?有堆人拎鐵通喺港鐵追打人叫做糾紛?有一批俾人打到爆晒血叫做打鬥?

如果示威者拎住鐵通叫做暴徒有組織有外國勢力有計劃,成百人集合殺上港鐵站再殺返落村叫咩?原來係打鬥,難怪九龍灣男要捱十三拳,先唔係打鬥

廣告

-警方2241接報,第一隊巡邏隊到場發現人力唔夠,調動快速應變小隊到場。

MTR2247報警,2256港鐵飛過元朗站,怕且警方當時知道發生咩事啦掛,飛站喎,然後,2319,通返車,2344,港鐵因為再有「衝突」車再飛元朗站。

由警方接報2241,到2344第二次衝突要飛站,前後63分鐘,警方「快速應變部隊」都未到場,有幾快速?

-之後白衫人聚集南邊圍村,期間多次有著白衫帶口罩人士,越過警方封鎖線行路揸車離開,警方話,唔係個個著白衫就代表參與打鬥。

咁點解著黑衫身處示威現場就係非法集結?身處中信大廈外就係暴動?點解運水就要拉要打?

-唔可能全部過百人都抄身份證,因為唔可行

2019年6月10日凌晨,警方在舊灣仔警署外,包圍358人,之後逐一抄身份證、影相、搜身,應該係化不可能為可能

-警方話,相信有車運載武器,如果市民發現可疑車輛通知警方

睇片起碼見到4、5架開走,警方係現場,係咪要即場通知你?話埋你聽好多人揸住鐵通行來行去,然後你話刑事偵緝同事入村無見到人揸住?但係停車場車底搵到好多囉

-刑事偵緝同事入村無發現有人揸鐵通?

打人單野11點發生,白衣人12點幾聚集,便衣凌晨3點幾先入村,開個爐熔咗啲鐵整做摺櫈再坐係上面等你都應該夠時間,況且,放落車底就當唔關我事,唔通拿住枝鐵通等你幾個鐘?

講完