立場新聞 Stand News

XX風雲III

2016/2/2 — 16:52

諗咗好耐,用唔用寶貴嘅版位去講一啲令人disgusting嘅嘢-人越大覺得文字、口水(仲有精液)越嚟越寶貴,寧願講啲美好、搞笑嘅嘢。Don't make stupid people famous, but just make famous people stupid. 

因為想睇【十年】(但原來得返Megabox有得做),咁啱睇到旺角百老匯戲院,星期五晚9:50黃金時段,賭城風雲III嘅預售情況。

廣告

如圖。

好快睇過另外院線、戲院同時段,播呢套戲嘅大部份都係小貓三四隻。有間戲院好好笑,播呢套戲個場都係吉嘅,偏偏得第一行係有人買。我唔會預期場場都係吉嘅,因為社會始終有啲重口味嘅人(雖然佢哋係好撚重口味)。每次我見到乜嘢評分報告,見到689(同各政府官員)平均評分係三四十分,我總會覺得好奇怪:

廣告

「點撚解仲會有人唔係畀零分呢班含家剷?」

你平均三四十分,即係應該有人畀一二十分、有人畀六七十。我屌!六七十分?點畀得落?我覺得十分已經係最盡(一百分滿分)。

大千世界,無奇不有。與其討伐誤入歧途嘅人,不如諗下有乜嘢方法去達到自己想要嘅結果同目的。

嗱,土共同各大愛國機構,不妨身體力行去買晒啲飛,支持一下愛國大導演。如果有飛攞,大家一定要攞!攞完掉撚咗佢,唔好畀其他人睇。我仲要第一個攞!攞完燒撚咗張飛佢。所以,與其鬧啲拎免費飛嘅人,倒不如組團、開幾個太空Facebook戶口去拎免費飛,拎到再掉落回收筒,一舉兩得。

最後作出一個認真嘅呼籲:

各大戲院,你將套【賭城風雲】落架,放返【十年】上去,我唔使錢幫你賣廣告賣足一個月。

──────────────────

史兄近期動向:

(1)史兄《婚姻這種邪教》第四版已上市

(2)史兄新書書花《史詩式愛情》預訂(對唔治,已截)

──────────────────

廣告時間:不要問,只要like,仆街史兄的專頁同IG。

Facebook ;IG (主要用嚟睇女仔)

發表意見