立場新聞 Stand News

於我來說跑步,是個人的修練

2017/2/7 — 11:24

不少女性朋友過咗 30 歲後想減肥,都發覺已經無以前咁容易,主要原因係荷爾蒙分泌同後生嗰陣已經唔同。由於身體遠古記憶之中,女性在這個年紀有照顧孩子嘅需要,所以我哋嘅手臂同腰間都比以前更易積聚脂肪。

另一個難題,仍然係食慾方面。辛勞工作過後,我們都想好好慰勞自己,而食是最好、最容易即時感到快樂嘅方法。那種美味而飽足嘅感覺,實在非常非常幸福。美食當前,你叫我們如何放下即時嘅幸福回報,去追求體重那個唔算最重要嘅目標?

當純粹為了想跑更快而減肥,這個誘因有多大呢?除了職業運動員,相信並沒有太多人有這個決心。或許其實對於只當跑步為興趣嘅人,大可不必要犧牲太多其他生活上樂趣,順其自然便可。而對於大部份熱愛跑步嘅人來說,跑得多也自然地瘦,不必刻意減重去遷就跑步。

廣告

或許只有像我這種天生饞嘴、又半途出家嘅人,才會把這視為一種修練方式去實行。別人儲錢買樓經歷人生,我藉跑步儲「實踐力」體驗人生。可以說,跑步是手段,也是目的。我選擇藉跑步來鍛鍊一種完全根據自己所學嘅知識來安排計劃,然後將之實踐嘅能力。做自己嘅師父,這種樂趣,大於一切。

我相信,跑步可以很純粹,也可以很複雜。跑步是很個人嘅事,沒有人能為他人定義「跑步」到底是怎麼一回事。

廣告

李小龍說,他大可以耍很多花拳繡腿,做一些嘩眾取寵嘅功夫動作,也必能贏得很多人歡呼。但他最終追求的並不是這些歡呼聲,縱使他也享受受歡迎嘅感覺。

有些人學功夫,確實只為了在別人面前裝腔作勢,想告訴別人:「我識打功夫㗎!唔好睇小我!」觀念上沒有對錯,但看結果,這些人通常維持不得耐,也很難練到最上乘的功夫。

但另一些人學功夫,像李小龍自己,就是為了 actualize 自己,以最誠實的態度面對自己身體,既不逞強,也不虛張聲勢。真真切切循自然天道去挑戰自己身體嘅極限。

過咗 30 歲要減肥,難;為跑得更快而刻意減肥,更難。但這事情若然難得好玩,難得享受其中,就是難得的人生樂趣。

作者 Facebook 專頁

發表意見