立場新聞 Stand News

Man vs Tram Race, 人對電車 8.6 公里跑後記

2015/8/23 — 10:14

呢班已經係有跑開的朋友(有些已經早走了),都只有少過十分之一有法追到電車,其他人搏老命跑,係連電車邊都摸唔到,甚至一早已消失在視線範圍內。

呢班已經係有跑開的朋友(有些已經早走了),都只有少過十分之一有法追到電車,其他人搏老命跑,係連電車邊都摸唔到,甚至一早已消失在視線範圍內。

Man vs Tram Race, 人對電車 8.6 公里跑,終於今日清晨起跑。前一晚仲有人懷疑,呢單聲稱有「毛記新聞 24 小時互動新聞台」轉播的體育界盛事,係咪流架?

事實證明,單野唔單止堅過石堅,仲有四十幾友一早到達堅離地城吉席街的電車總站。

廣告

電車公司網頁指,第一班電車於 0512 起錨,大家都以為仍有十分鐘時間,點知原來網頁資料有誤,第一班車 0500 就開車!

有人問司機:「乜唔係 0512 開咩?」

廣告

司機好 cool 咁話:「不嬲都 5 點開架啦!」

叮叮叮後電車就郁,大家先意識到司機無呃你。成班人即時拔足跑,之後先有人發現:「係喎,好似無人留守,咁準時 0512 到的人見乜都無,一定以為單野係流啦!」好彩,亦有人在 upload Facebook Event Page ,通知開了車,希望遲到的人有留意。

Post一段,特登由上水來撐場的「觀眾」Ivy的影片,比你感受下電車的速度。謝謝Ivy提供!

Posted by 馬拉松 看世界 /Run the World on Saturday, August 22, 2015

睇下呢幾秒的 Video ,就知電車有幾快,喪跑都無可能快得過。

幾個快腳一早已消失在視線,小編一直在第二主車群中,在西營盤輕微領先電車,亦偷到一些時間影相及 live upload 相上 FB 。行人路沒有人,馬路上也極少車,晨早少廢氣都算好跑。

直至金鐘,搏老命跑的小編,終於被電車爬頭,電車一直全速前進,很快已消失在視線範圍了。直至到電車轉入波斯富街,喪跑的小編才再次在遠處,見到電車縱影,但到我轉入波斯富街時,電車已消失在視線。

到電車駛到跑馬地站,已有四名跑友到了,最快的,全程都lead住電車。據在電車拍攝的朋友說,車程大約38分鐘,最快的比電車快幾分鐘。

聽坐車的朋友講,原來第一班車都幾多上落客,亦只有這四位快腳(三男一女),才有辦法快過要上落客的電車。

呢班已經係有跑開的朋友(有些已經早走了),都只有少過十分之一有法追到電車,其他人搏老命跑,係連電車邊都摸唔到,甚至一早已消失在視線範圍內。

果啲話「行路快過電車的」,真係 up 得就 up !真係應該邀請呢啲人來跑一次。

最後,多謝各位捱眼瞓參加,亦希望令大家珍惜和愛護有百多年歷史的香港電車。

香港已沒有多少舊東西了,拆的拆、倒的倒,叮叮已是僅存的活文物了。若果連叮叮都容不下,香港就唔再係香港了。

PS: 最後鳴謝所有黎跑的朋友、來影相打氣的觀眾,有住上水的 Ivy 及 Snow 、水哥等等,以及家住天水圍來專程拍片的 Camman Wong 等。

Last but not least ,當然要多謝香港電車和那位退休規劃師,提醒我哋香港的電車係幾咁好。

原刊於馬拉松 看世界/Run the World

發表意見