立場新聞 Stand News

一個給的哥小小的建議

2015/10/14 — 17:19

近來Uber來勢洶洶,人地殺到埋身你就剩係識得反對,不如你諗下點樣改善下自己既競爭力。 ( 圖片來源:Uber Instagram )

近來Uber來勢洶洶,人地殺到埋身你就剩係識得反對,不如你諗下點樣改善下自己既競爭力。 ( 圖片來源:Uber Instagram )

【文:星港人】

Google Map

對,這個建議就是這兩個字。

廣告

至少可以給你們的士大佬一個尊嚴

近來在新加坡打工,只有在網路上得悉香港的士質素之低落,

廣告

現在終於能親身體驗是一個如此糟糕的境況。

首先是接二連三的拒載,又唔過海,

算,打電話call的,曰:等二十分鐘吧再回覆吧,時間一點一滴過去,無黎反應。

好,終於有的士肯比你上車,換來就一個好無辜嘅眼神,錦上路...下?唔識去 wor

好,到第二日,我係大帽山山腳想去川龍飲茶,大帽山只有一條路上去吧,都係話唔識。

的士嘅功能,就係將你由A點去到B點,這至少是最低要求吧。

要考到香港的士牌,都寫到明的士司機要熟悉香港街道,

相比新加坡,其實GPS已經係的士標配,的哥若然真係唔識路。篤兩下GPS就load到條路出黎;邊度塞車邊度暢通,一目了然。

佢同你講不如行第二條路啦,真係唔擔心佢為左兜路呃你錢,人地真心想你方便D。

香港的士?係一樣有好多手機,不過係比佢不停咁接call台,同同行吹水。我搭你車見你一路講電話一路係條公路舞黎舞去,搭嘅仲驚。

近來Uber來勢洶洶,人地殺到埋身你就剩係識得反對,不如你諗下點樣改善下自己嘅競爭力。

搭Uber嘅多數都讚人地服務點好點貼心,呢D其實唔係你完全做唔到嘅野。可歎嘅係,非不能,實不為也。

肯做一個好嘅的士司機,唔需要你洗多好多錢去upgrade你架車。(都唔洗你裝GPS,喂,Google Map 是免費的)

不過要upgrade下你個心,待客嘅態度。我唔怕你無生意做。

 

作者簡介:熱愛香港嘅香港人,為口奔馳現居新加坡,充分感受星港分野,越想香港進

發表意見