立場新聞 Stand News

上水拉麫店 遭水貨活動侵擾 日裔老闆娘斥:水貨客好X煩 垃圾棄香港

2015/11/25 — 20:00

麫家山下老闆女山下小姐

麫家山下老闆女山下小姐

剛剛過去的區議會,北區石湖墟三名候選人均以水貨問題為主打,最終現任議員民建聯的王潤強下台,是否標誌住區內水貨活動為患有轉機?

上水新康街一家由日本人經營的食店 — 麫家山下,昨日在 Facebook 上表示,店主受到水貨客辱罵,其短片上載至社交媒體,吸引大量網民轉載,予以支持。《立場新聞》記者今日到訪麫店,老闆娘山下小姐,用不大流利的廣東話,憶述事發經過,感嘆「以前上水唔係咁㗎」,形容水貨客「好撚煩」,斥責他們「垃圾就擺香港,啲貨就番大陸」。

店外紙盒垃圾甚多

店外紙盒垃圾甚多

廣告

山下小姐指,周一麫店休息,周二回來開舖,見到店外有污糟,所以進行清潔,「出面係公共,入面係私人」。她表示以坑渠為界,當日在私人地方打掃,而水貨客則在公共範圍擺放貨物。「我話呢度好多人行,唔好擺貨。」山下小姐曾經好言相勸,但水貨客未有理會,反指店家清潔沾濕貨物。她今日回想起來仍然氣結,「水貨都係 mask 同朱古力,佢地垃圾就擺香港,啲貨就番大陸。」

廣告

麫家山下店面

麫家山下店面

水貨客一度探頭入店內繼續謾罵,「有一個女人,話我地污糟,講普通話嘅,我聽唔明。」山下小姐認為,店家在私人範圍進行清潔是理所當然的事,反而是水貨客垃圾堆積如山破壞環境,「係你自己唔乾淨,所以咪污糟囉,你返大陸啦。好似講到係我掃地係有問題咁喎。吓?咁都唔得?咁你快啲番大陸囉。」

山下小姐與愛犬

山下小姐與愛犬

雙方昨日糾纏之際,山下小姐拿出手機拍下過程,水貨客更一度搶去電話,中斷短片拍攝,「我話係我嘅,俾番我,佢唔理,好過份!」她拍打水貨客的肩頭,對方才歸還電話。山下小姐的老公報警,警察趕到調停。剛剛當選的區議員林卓廷,後來也跟助手一同到場了解,「佢俾低左個電話冧巴,叫我地有咩問題,要幫手,可以打俾佢。」

麫家山下落戶上水三年,山下小姐感嘆「呢度以前唔係咁㗎,少人,而且都係住上水,遊客好少。」地方乾淨,人流沒有那麼多,環境也不會太吵。幾年間變成水貨客最活躍的地段,昨日到場調停的警察,甚至也對店家說:「呢度係敏感地,可以搬就會好啲。」然而,店家可有想過搬走?搬,沒有想像中容易,山下小姐直言:「上水好多度都貴,呢度比較平,所以唔會搬啦。」

訪問期間,水貨客繼續執貨

訪問期間,水貨客繼續執貨

後記:訪問中段,一名街坊見到我們談及昨日的事,向山下小姐舉起大拇指,叫道「昨日你好勁好勇,好嘢呀!」

山下麵家昨日揭露事件的 facebook post:

 

今天因水貨客令鋪面外面污穢,有煙頭有很多紙皮,碎之類,山下小姐出面清潔,點知一男一女水貨客話山下小姐弄到他,態度惡劣,我跟他們理論說這裡不能擺,他叫我報警,說呢條街唔係我地,我鍾意點擺都得,其間山下小姐拍照那女搶山下小姐手機,想扔落地下,山...

Posted by 麵家山下 麺家 山下 Menya Yamashita on Monday, 23 November 2015

發表意見