立場新聞 Stand News

不愉快的校園分享紀錄

2016/4/15 — 20:26

圖片來源:作者 facebook

圖片來源:作者 facebook

剛才有一個極度不愉快經歷,到現在還有一份說不出的憤怒。

平時去到不同學校或機構分享,有意思的會做記錄,今次第一次要作一個不愉快的紀錄。

去到一般學校,避免學生感到沉悶,所以PPT的內容會由輕鬆內容開始,去到某個部份才會轉到「認真」的故事,通常去到這一個部份,因為相片和故事相當沉重和震撼,學生們的氣氛也會由開心愉快轉為嚴肅。

廣告

但凡事總有例外,也總會有第一次。

去到某區某直資學校分享,在前半段我分享時,學們再傾計和嘻嘻哈哈,這是無可厚非,因為還未到「戲肉」。但係佢去到某個階段,我覺得「唔係好對路」,這一間學校的學生,竟然見到有人露宿街頭的畫面,仍然可以嘻嘻哈哈在講笑!到底發生什麼事?再去到拾荒老人家的相片,竟然有學生說:「執紙皮的老人家可以執到幾百萬架!」學生們竟然可以哈哈哈哈地笑着!

廣告

心想:「這是一間什麼Band 1的鬼學校!?」

我用左最大的忍耐沒有將情緒爆發出來。足足靜咗幾秒,我面色開始變黑,嚴肅地問咗幾個問題:

你地真係覺得好好笑?

-你哋見到七八十歲老伯伯推住咁大架紙皮車有咩好笑!
-你哋見到但彎住腰嘅老婆婆拉住架車有咩好笑!
-你哋見老婆婆左手拉住紙皮,右手拎住拐杖到底有咩好笑!
-你哋見老婆婆一架車唔夠!要執兩架!仲有咩好笑!
-你哋見到老婆婆坐住輪椅紙皮係唔係咁好笑!
-你哋見到老人家在垃圾桶執嘢食,係唔係真係覺得好好笑!

你哋執紙皮執到幾百萬?!搵次你哋可以同去執垃圾桶,執幾百萬返嚟!

我沒有即時離開,已這是我最大的忍耐!

一連串的問題,全場終於靜晒,我之後全場面黑,要講完我嘅野,Q&A都唔做,黑着面望都唔望佢哋就匆匆離開了。

一間不知所謂的學校,從來未試過,簡直浪費我的時間!

(唔好估亦唔好問是什麼學校,我不會透露的。)

 

標題為編輯所擬;原刊於作者 facebook

發表意見