立場新聞 Stand News

不應以投資多少決定最佳電影 田雞:有誠意感染到人 就有獲獎空間

2016/4/6 — 11:45

獨立電影《十年》獲頒今屆金像獎最佳電影,引來不少電影公司老闆狠批。香港電影製作行政人員協會代表田啟文(田雞)今早於電台表示,電影是講求誠意,不應以其投資多少去決定是否最佳電影,「冚唪唥都係叫做誠意,出嚟感染到人嘅」,就有獲獎空間。田又強調,金像獎評審機制沒可能被操控,制度可檢討,但不會為了「招呼」某人或事而「硬生生」改變。

「唔應該用錢的投資價值去決定」

同為金像獎第二輪評審的田啟文今早於商台節目中表示,不應為「最佳電影」設限,若要達到一定投資額才是最佳電影,「係唔科學,亦都係大蝦細」。他又指電影是講求誠意,「冚唪唥都係叫做誠意,出嚟感染到人嘅,咁佢咪可以有被提名同獲獎的空間」。他舉例說,電影《香港製造》的製作費只有60萬元,也奪得最佳電影。

廣告

田啟文強調,不應以投資或粗疏決定是否最佳電影,亦指「唔應該用錢的投資價值去決定」:

「係咪過譽,唔應該用投資或粗疏,總會任何一部電影,包括大製作,你要挑剔佢的地方一定有,但我們要尊重個賽果。」

「但我唔係好認同佢地果種話:『喂,50萬就係實驗電影,就唔屬於最佳電影』,咁樣係唔公平。若有個人突然用50萬,佢又拍到好靚,咁你係咪又心服口服?所以唔應該用錢的投資價值去決定。」

廣告

田:沒可能操控評審

田指沒可能操控金像獎評審過程,「我又唔會話好相信會畀人操控,因為操控呢件事係唔會話有咩得益,因為攞咗個最佳電影無獎,係一個榮耀」,「但其實冇可能操控,只不過可能多咗啲人,佢地去咗唔係一個我們叫平常心的投法」。他又強調,金像獎是不會給予評審指示。

田又透露,劉德華曾憑《桃姐》奪得影帝,當年也有業內聲音質疑,質疑是否因為第二輪50位評審有本土情義結,所以金像獎及後再加多5位海外人士作評審,他指獎項會有偏差,永遠不會盡如人意,金像獎大會亦會聽意見。

老闆因電影落選有感而發

被問到《十年》得獎是否對老闆級電影投資者承受很大壓力,如內地壓力,田則指自己不是「老闆會」的人,所以不能代表他們。但他認為他們亦有電影獲提名,但落選了就有感而發。

但田不認為他們是「 輸打贏要」,他指今次有很多媒體會問及《十年》,而業界習慣不會避開傳媒,但被傳媒報道後,就顯示到好像是老闆要表態,田啟文認為只是大家為事件「撥火」。

制度不會為招呼某事而改

田啟文指,金像獎的評審機制可以檢討,又笑指可以加設「最佳勇氣奬」,但加設獎項是有難度又要在3.5小時內頒發所有獎項,是有難度的。強調制度是不會朝令夕改,「唔會今年諗到,就突然間為咗要去招呼某一個(人)、一件事,或者我哋去改變一樣嘢,就硬生生去整出嚟,唔會咁做」.

 

發表意見