立場新聞 Stand News

不諮詢就不諮詢 有甚麼大不了?

2017/1/8 — 10:28

政務司司長林鄭月娥日前在北京突宣布於西九文化區,與建香港故宮博物館,事前未經諮詢 (資料圖片)

政務司司長林鄭月娥日前在北京突宣布於西九文化區,與建香港故宮博物館,事前未經諮詢 (資料圖片)

西九故宮博物館的興建引起掀然大波,矛頭直指林鄭,話佢冇公眾諮詢,又話冇招標就俾嚴迅奇設計,係利益輸送。

其實喺西九起個博物館,以故宮為主題,並沒違背西九文化區的發展原則,又唔係起間夜總會或者殯儀館,即使唔諮詢又有乜大問題,

說穿了不外乎兩個原因,第一當然係政治喇,你林鄭想用呢件故宮A貨嚟攞分,我就要搞你,況且批評者用到公眾諮詢呢樣嘢,必定可以站於道德高地,冇人會話佢錯,至於實際情況係咪一定要諮詢,話之你。另外,有啲人就覺得,你沒問問老子意見,他媽的就係唔俾面,你唔俾面我就俾啲顏色妳睇睇。

廣告

有時真不明白,難道社會上事事也要諮詢,起個博物館,若然公眾諮詢,要花幾個月時間,然後有好多人意見多多,拖吓拖吓又唔見幾個月,分分鐘有心人搞嘢,爭論一輪都唔知拖幾耐。好喇,之後又話比賽招標,咁又搞你一年半載,整整吓一項工程不知何年何月先落成。

雖則你會話,《西九文化區管理局條例》第19條寫到明,西九管理局須就發展或營運文化設施時,「在該局認為適當的時間,藉該局認為適當的方式,諮詢公眾」。但正如林鄭話,要得到相關機構批准,涉及中央、有關部委、國家文化部、故宮博物院,如果要諮詢,有一方面話唔同意,就會產生非常尷尬嘅局面。

廣告

我也相信事實如此,有時跟中國政府溝通,不能事事以我們港人自我中心,需要協調互諒;況且蓋一個故宮博物館,讓人認識更多中國文化,又不影響香港經濟民生,無必要太上綱上線。再講19條亦明言,以該局認為適當時間及方式諮詢,咁呢方面都冇話違咗規。

搞個博物館都可以引起咁多爭議,香港未來要發展真的很困難,因事事都被扣帽子,邊個夠膽去發展?去建設?為官者都係多一事不如少一事,少做少錯為妙。

發表意見