立場新聞 Stand News

世態雖炎涼 小店情猶在

2017/4/29 — 12:38

【圖文:陳卓瑤】

世態雖炎涼,小店情猶在。

飢腸轆轆,路過餃子小店,就停下來等待美食。站在小店門前的婆婆問我,知不知道這裡的燒賣要幾錢,我說寫著十元,該是十元吧,老闆忙著,我也問不到他呢。

廣告

「呀⋯你估下呢度可唔可以買8蚊燒賣呢?我好肚餓呀,但係我得8蚊咋⋯老闆老闆,我想要8蚊燒賣呀,你賣比我啦。」

正當我想開口,身旁的女士已衝口而出,那聲線溫婉動聽,像哄小孩子睡覺一樣:「婆婆你鐘意食咩呀?餃子好唔好?」

廣告

「好呀好呀,我想食餃子,我好想食呀,好貴呀,要12蚊,阿婆冇錢買呀」

此時,一路低頭忙著的老闆開口了。

「阿婆你仲要唔要燒賣?我而家蒸比你,你等一陣,我請你食啦,你留返啲錢一陣去搭車。」

身旁的女士突然放下了30元,吩咐老闆不用找贖,老闆不好意思地推卻,正當他們猶如高手過招之際,我趁婆婆沒為意,飛快地放了一個兩蚊銀在婆婆的手心:

「婆婆,你有幾多錢喺手呀?」

婆婆低頭數著,一邊喃喃自語:「我頭先有8蚊,咦,點解而家變左10蚊嘅?老闆老闆,我夠錢買燒賣喇,比份燒賣我呀唔該。」

「婆婆你頭先得8蚊架?唔緊要啦,我話左請你食,你留返下次啦!」老闆還是一臉無所謂的笑著說。

最後,婆婆高高興興地拿著燒賣和餃子,走到隔離的政府診所,繼續年復年,日復日,等待那不見盡頭的覆診時間。

政府視老人和草芥,但總會有人視他們如珠如寶。

例如你,例如我,例如每個已開眼的他和她。

#峰味餃子
#峰味清雞湯米線
#荃灣鱟地坊

(場邊故事獲授權轉載,圖文:陳卓瑤,https://www.facebook.com/chancheukyiu

發表意見