立場新聞 Stand News

中國足協的「無底線」

2015/6/11 — 17:44

圖一

圖一

有時候,做廣告的底線,係無底線。

今期被網民圍剿的中國足協廣告,一睇,就知道睬過界。係就係幾好創意,夠爆,但凡事一觸碰到一個最敏感的話題,好多時候,死得好快。我所講的是「種族」。

圖二:右為中國足協六月初公佈的世界盃外圍賽海報、圖左為香港足總本週發出的海報

圖二:右為中國足協六月初公佈的世界盃外圍賽海報、圖左為香港足總本週發出的海報

廣告

中國足協廣告之敗筆(圖二),在於太過著眼煽動民族主義,太在意大家的種族膚色,違反足球最根本的體育精神,就是不分你我,不理民族,大家共玩一爐。他們笑卡塔爾隊係「有錢就任性的土豪隊」;睇香港隊,就只睇到球員的膚色; 笑不丹隊的球員個個都係part time,踢完波分分鐘回程航班都係球員自己揸番。

廣告

大家同朋友一起講笑話,都識什麼是知分寸,留底線。點解一個國家級機器講笑話,反而唔識太體,咁無底線?唔通做廣告真係太晒?

你可以這樣反駁,足球,特別係世界盃式、國家之間決一死戰的足球,從來都係鼓吹民族主義。平日唔覺自己好愛國,但當置身世界盃球場,就突然變得愛國者上身。

這個觀點,我同意。但我不同意所有東西也要畫公仔畫出腸,讓全世界都感受到中國的霸氣。這個廣告背後的潛台詞,分明就是告訴人家:「強國人依家好強,你哋放馬過來!」如此露骨的霸氣,出自中國足協口中,要不得。況且,中國隊是否真係強,大家心中有數。

這樣的一系列廣告,大玩民族主義,大曬肌膚色彩,假如放在另一個國家,可能已經即時死咗,仲要死得好慘,甚至要向全世界道歉。

電腦品牌Intel 幾年前,就曾經慘烈地死過一次。他們的廣告展示一個白人主管接受一眾光脫脫的黑人員工膜拜,然後加句 ”Maximize the power of your employees”,猶如時光倒流,回到美國黑奴解放前。這樣的一個無智慧兼無常識的廣告,當然即時被判決死刑 (圖一)。

Sony 的Playstation也曾犯下同樣的低級錯誤。廣告的一句 ”White is coming”,加上一個白人威嚇一個黑人的場面,足夠讓它成為種族歧視界的經典,永垂不朽 (圖三)。

各位廣告人,當你正在毫無底線地發揮創意的時候,也要停一停,諗一諗,在這個世界裡,有些東西其實是有底線。

圖三

圖三

發表意見