立場新聞 Stand News

九巴點樣炒人炒地 出賣我地?

2018/3/7 — 11:32

九巴除左識玩炒人炒到滿城風雨,其實重識透過租政府地再炒自己地起樓,一個斗零都唔駛分番俾啲巴士司機,等9巴子 🐶教下你點玩啦。

🔨 第1步:先陸續將九巴自置土地的巴士車廠空置或拆卸;

💵 第2步:同政府講冇地擺巴士,再以短期租約方式平租政府地作重置車廠

廣告

📉 第3步:再透過財技轉移土地和利潤予「載通」的子公司,製造帳面上虧損,加車費轉嫁至乘客和要求用公帑補貼;

🏠 第4步:騰出了的九巴車廠地,向政府申請改劃 (又得左) 👥,就可以攪埋地產啦。

廣告

九巴過去透過這種「騰籠換鳥」,以政府寶貴的公有土地資源,來補助九巴來發展龐大地產計劃。例如早前拆卸舊荔枝角車廠,而再向政府租地作車廠,轉售地皮予同時載通子公司的荔枝角地產公司,重建為在06年落成的豪宅曼克頓山,在06年至14年間因此總共獲利達85億。

另外,還有其餘約7塊車廠地都被轉予其他載通子公司,發展為商場、寫字樓和倉庫,每年有逾6000萬(2016)的經常性租金收入。在這種操作下,在11年至13年間曼克頓山即使獲利不少但帳面上九巴都是虧蝕,曾連續三年上調車費。

九巴炒人又炒地,起家歛財靠財技。唔怪得之香港冇地起公屋,有地起豪宅啦,我地明哂啦9巴子!

 

原題為《【9巴子】炒人炒地 出賣我地?》

發表意見