立場新聞 Stand News

今日之後,我更加欣賞爾冬陞

2016/4/4 — 0:03

爾冬陞係我一個非常欣賞嘅導演,今日之後,我更加欣賞佢。冇嘅,在一個群魔亂舞嘅世道,當人人自我審查,連"今晚頒獎禮稿可否有十年"(爾冬陞爆嘅)都要問,而佢在一個咁重要嘅頒獎禮度講咗頭先一番話,就已值得真香港人撐佢。

香港電影近年都幾畀人睇唔起,金像獎也畀人認為兒嬉。但如果自閹,就更加唔會有好嘅創作,唔係,係連創作都冇埋。真係有啲估唔到,今晚嘅金像獎最佳電影一幕,竟然有奧斯卡的意義:以獎明志!

恭喜十年!誠言,以電影而言,確實不是上品,可是,如果一個社會是正常的,好像從前的香港,上品的電影易有,甚至年年有幾部,但一套奇蹟般的電影,在黑暗中發出微弱的光芒,永遠是難能可貴。

廣告

如果,香港每個界別都好像金像獎咁企硬,咁有GUTS,香港唔會死。靠大陸投資者,遲早嘅結果就係亞視,突然變成一個藍畫面,便甚麼都沒有了。何況大陸衰落了,今日回歸本土,企硬撐香港,為時未晚。正如ATV最後派羅霖作的忠告:都應該要獨立。電影,也應如此,沒有創作自由的電影,只如植物人!

P.S. 曾俊華今日網誌撐本土電影,又畀佢押中注!

廣告

發表意見