立場新聞 Stand News

企硬,唔帶嘢(毒品) — 有關販毒罪的問與答

2017/7/31 — 21:39

資料圖片 l 圖片來源:Cristian C @ flickr — Attribution-ShareAlike 2.0 Generic (CC BY-SA 2.0)

資料圖片 l 圖片來源:Cristian C @ flickr — Attribution-ShareAlike 2.0 Generic (CC BY-SA 2.0)

【文:Henry Hui】

筆者聽到好多關於青少年遭販毒集團利用作販運毒品的報道。筆者希望透過問答嘅形式,提醒大家唔好畀人利用販毒,同埋被定罪嘅後果有幾嚴重。

問:販毒罪係乜嘢嚟㗎?

廣告

答:販毒罪係根據香港法例第134章《危險藥物條例》第4條所訂立的罪行,包括在香港提供毒品俾其他人(無論有冇涉及商業交易)、把危險藥物帶出或帶入香港、或管有毒品作上述用途。

問:冇咁好彩拉到我嘅。

廣告

答:好多時候警方都係根據線報拉人。所以,一個販毒者以為自己收藏毒品收得好密,但係佢哋一早已經受警方監視。只要啲年青人一接到毒品,警員就會作出拘捕,即時「斷正」!

問:其實我唔知道個袋裏面裝住啲乜嘢㗎,會唔會因為咁所以冇事?

答:唔會!根據香港法例第134章《危險藥物條例》第47條,任何人經證明管有再有危險藥物的物件,除非有相反證明,否則須被推定管有容器內的危險藥物。例如,如果控方能夠證明我管有一個袋,而袋裏面裝著危險藥物,我就會被推定管有危險藥物。

問:我幫人帶好少毒品,係咪咁就會罰得好輕?

答:販毒罪的刑罰一向都非常之重。所以,就算案件涉及很少的毒品,根據香港的法例,販毒者都會受到嚴重的懲罰。以下係常見毒品的刑罰:


作者提供圖表

作者提供圖表

(舉例:2茶匙嘅水大概係10克。由此可見10克毒品的體積其實唔大。)

問:其實我好後生,係唔係因為咁我可以有少啲嘅懲罰?

答:唔係!由於受到判刑指引限制,法庭通常唔會因為干犯販毒罪的人年紀輕而大幅減輕懲罰。事實上,法庭一再指出,年輕並非販毒罪的有力求情因素,因為法庭需要以重刑阻嚇潛在的罪犯(見律政司司長 訴 周梓添及另一人 [2015] 1 HKLRD 853)。

以上對販毒罪的判罰只適用於香港。好多鄰近國家對販毒罪的懲罰比香港嚴厲,犯案人有機會被判死判。所以跨境販毒的法律風險極大。

總之,為咗少少錢而幫人帶毒品,絕對係得不償失。大家千祈唔好試。

 

發表意見