立場新聞 Stand News

你愈鬧爆 我愈興奮

2016/6/21 — 18:14

TVB節目《沒有起跑線?》截圖

TVB節目《沒有起跑線?》截圖

你愈鬧爆 我愈興奮

贏在射精前 之類之類
社會大眾又反應好大
唔使睇都知係岑應

首先 不論佢本人抑或行內人
都唔會當佢做緊「新聞」
所以用新聞人標準或操守去評斷佢做既野
完全無謂

廣告

不過新聞人出身既岑 從技術層面確實高明
特別在製造場口、製造話題
同攞SOUND BITE方面

見街一個訪問 可能得幾分鐘
背後往往係 係幾個唔同場口
前前後後幾個鐘 問完又問問完又問
先CHOK到一句「贏在射精前」

廣告

可以想像佢當時
聽到呢句心底一定大叫YES~
有PUNCHLINE

唔係誇張
做訪問一路聽一路等一句可以用可以爆既BITE
係記者好基本既本能同技能
句野出街之後 外界有咩反應
問個個人係聽到句BITE個刻
已經心中有數
個遊戲係咁玩既

亦唔需要擔心個受訪者

唔係質疑佢係做媒(也不能排除呢個可能啦)
但參與岑小姐呢堆真人騷既男男女女
不論所謂盛男盛女好 網絡紅人好 家長又好
明白自己做緊咩
亦有自己既盤算
為名為利為咩都好
你情我願

如果你睇得好高興 無不可
但又要睇又要鬧
就正中下懷

出呢堆訊息本身會好大爭議
節目策劃人早就預左
佢唔怕你鬧 係怕你唔鬧
甚至話佢好想你鬧都唔過份

無論正面反面好 有反應一定好過無反應
製造左話題
有人會唔睇 但因為好奇獵奇會去睇會去追既
先係大多數
唔睇又邊有得同人傾下有幾抵鬧
啲家長有幾過份
個節目有幾衰呢

如果真係要送一個媒體去死
唔係鬧佢 更加唔係一路睇一路鬧
而係徹底無視 當佢無到

(當然我而家寫呢大段野都可能係曲線幫緊佢)
真係口裡說不 鍵盤很誠實

 

作者 facebook

發表意見