立場新聞 Stand News

俊?你邊撚度俊呀?(超短技術文)

2015/1/15 — 17:23

圖由編輯所配

圖由編輯所配

已經屌到無力,特區官員及建制、抬轎之輩,引用數字,一係亂吹盲計,一係誤導錯判。上星期寫完雷教授,今日又輪到特區高官。

根據明報嘅報導,林鄭月娥指「2013年單程證來港人士...當中近九成15歲以上單程證人士有中學或以上學歷,是本港寶貴人力資源,因為在本港勞動力不足下,引入新移民將帶來新動力。」(註1)

唉,嘩,有九成人讀過中學呀!睇過!!!根據統計處2011人口普查數字,喺2011年,由內地來港定居未足 7 年嘅人士,真係有大概85%嘅人讀過中學或以上。呢點應該準確。(註2)

廣告

再睇清楚啲讀到乜嘢教育程度。

我屌!呢堆讀過中學或以上嘅人裏面,有接近一半(41%/85%)只係讀到初中!係初中呀!三成讀到高中/預科,得兩成讀到專上教育渣!都唔提話佢哋啲初中,程度同水平(尤其英文)遠比唔上香港。

廣告

比起全港人口,讀中學以上嘅,得22%讀到初中(我懷疑呢堆人大部份已經上咗年紀。如果你三十歲樓下,識得幾多個讀到初中?),41%讀到高中/預科,36%讀到專上教育。成八成人讀到高中以上。

政府成日講乜嘢高增值、膠科技,我完全唔覺呢班新移民嘅低學歷、低技術可以配合香港嘅長遠發展需要。老老柒柒,外傭啲學歷好過佢哋多多聲。

倒轉嚟講,佢哋咁後生(林鄭話佢單程證人士年紀中位數係33歲),萬一嚟到失業,或者嚟到搵唔到嘢做,轉型轉工轉行有困難,畀佢哋落嚟咪即係害咗佢地、害咗香港社會。仆街啲講,佢哋學歷並非突出,落到嚟做啲低技術嘅工種,香港乜都貴,佢哋貧賤夫妻百事哀,白髮時下難久居,咁又何苦呢?

我完全睇唔到佢哋有幾寶貴。如果咁都叫寶貴,我諗唔到有乜嘢係唔寶貴。

你可以話因為其他理由畀佢哋落嚟(為咗團聚-雖然我唔明點解團聚一定要喺香港團),但佢哋係寶貴資源,仲話佢哋有乜嘢90%讀過中學或以上學歷嚟引證,

sor9y,你係刻意誤導。

俊?你邊撚度俊呀?

 

圖表:

註:

註1)明報

註2)表5.1 — 呢個表係講緊即2005-2011年來港嘅新移民;同林鄭所講嘅單一2013年有所不同。但問題係我無林鄭講嘅2013年數字,唯有用2005-2011嘅人做參考。我熟2011人口普本數據,係因為用呢個普查數字出過個求偶大作戰apps,佢裏面有乜嘢數我倒轉都識背。

 

原刊於Relgitsjg - 史兄facebook page

發表意見