立場新聞 Stand News

信唔信一個顧問,先睇睇佢係邊個聘請

2018/10/18 — 12:28

交椅洲(資料圖片,來源:維基百科)

交椅洲(資料圖片,來源:維基百科)

林超英和團結香港基金的顧問就「風浪唔識轉彎」駁火,其實只要有中五程度的物理,便知道風浪遇到障礙物,會因為 wave diffraction(繞射)而出現轉向(口語可說作轉彎)。該顧問來自國際知名的奧雅納(Arup),收了完結香港基金錢,說一些違反科學的事也在所不惜。

過往十多年,我對「顧問」兩個字,由中性變成負面。第一次轉變來自龍尾人工泳灘一役,環評報告話該處生物不多。大家都知,環評報告是由項目倡議人聘請的顧問撰寫。最終環保團體在該處找到大量的潮澗生物。

到了第三條跑道的爭議,環境顧問又說了「填海後海豚會離開然後又返回新設的海岸公園」。這個反智的描述,成為了機管局為三跑環保問題護航的方法。大家都知,面對漫長又大範圍的填海,海豚一係死亡,一係遠去,而 7、8 年後又點會返回機管局指定海域呢?

廣告

顧問唔敢講一些米飯班主不喜歡聽的說話,近年還要在公眾協助推銷項目,而往往這些顧問越聽話,就越多人願意聘請,是否專業是其次。

人工島是對建築公司的肥豬肉,而完結香港是利益集團,請顧問一定大手筆,所以這些顧問會講得出「風浪唔識轉彎」,以及明明土木工程署有清楚紀錄是交椅洲可錄得超過 5 米,顧問夠膽死只說風浪只有 2 米。

廣告

專業墮落是好明顯,各專業學會除了在土地大辯論時支持填海外,可否挽救一下每況愈下的「專業」?

對於市民來說,真係要小心分析顧問的說話,收錢的顧問,一般係信唔過……

圖片來源:作者 Facebook

圖片來源:作者 Facebook

 

作者 Facebook

發表意見