立場新聞 Stand News

傘運變身充電站 旺角手機店月底結業 又又又因為領展

2016/11/23 — 19:45

攝:朝雲

攝:朝雲

【文/圖:朝雲】

22/11 旺角 彌敦道

又又又係領展

廣告

「我六七歲落嚟香港,但係香港嘅教育下,都崇尚人權和自由」

***

廣告

從前傷春悲秋,多是「人面何處,桃花依舊」;但在香港是另一番感慨,物比人更不長久。

兩年前佔旺,彌敦道旁一小店,義務為民眾的手機充電,一時傳譽。不過兩年,風景就成永遠的歷史。追本溯源,不意又是領展。

***

問:店舖經營了幾多年?為什麼要結業?會不會另覓新址?

Joseph:六年。依幢大廈前身係工業貿易署大樓,兩年前政府拍賣大廈,賣左俾領展。。。係呀又係領展,要我地一定係月尾前走。

領展想收番成幢大廈翻新,聽聞想整到朗豪坊咁。因為出面啲租金太貴。暫時未知搬去邊。

***

問:傘運時點解咁落力幫手?落幕到如今有何感受?

Joseph:係我門口發生,見到啲細路冇哂電,點都要幫吓手。

我都差唔多老喇。佢地迫到後生依代好絕,年輕人上街抗爭係必然。傘運唔駛流血結束,已經係一件欣慰嘅事。

有啲人批評兩個年青議員令人大釋法,但我覺得早發生好過遲發生。

人大一定會不斷釋法,推行佢嘅制度。回歸左差唔多廿年,係「五十年不變」未過一半之前發生,令部分人醒覺中共係咁無恥。若果到三四十年先發生,我地已經冇路可走。

***

問:你認為將來香港會點?

Joseph:講真,冇乜條件可以港獨到。但起碼俾到政權壓迫感,仲有人唔 buy 佢地嗰套。香港繼續咁落去冇乜前途架喇,愈嚟愈赤化,只會成為中華人民共和國一個市。

雖然我唔係土生土長,六七歲落嚟香港,但係香港嘅教育下,都崇尚人權和自由。

其實由細路到八九十歲,都意識到基本權利嘅重要,但大多數人都唔出聲。建制成日都話得嗰一萬人出嚟,699 萬人支持大陸。好多人都沉默,我人微言輕,無乜辦法改變到依個格局。

***

問:最後想問促銷的折扣,究竟係六九折抑或六折?幾時是最後一日?

Joseph:其實唔同貨唔同折扣,半價都有。11 月 30 日交吉。

***

後記:

在手機小店旁,位於轉角的廣良興食品,更加歷史久遠。老闆已經忘記在哪一年開店,只記得是廿幾年前。「唔搬喇,退休。」貨架已經漸次清空,等候最後一天。

攝:朝雲

攝:朝雲

攝:朝雲

攝:朝雲

攝:朝雲

攝:朝雲

標題為編輯所擬

發表意見