立場新聞 Stand News

傳維基買亞視 阿叻:我都希望朋友發達 遺憾不能跳糟

2015/3/31 — 22:02

王維基申請免費電視牌照多年,無綫老將「阿叻」陳百祥多次出言揶揄;今日傳出王維基將收購亞視,阿叻則「大方」予以祝福,更指自己「希望佢打出一番功業,我係真心祝福佢」,又可惜自己「唯一遺憾係我唔可以跳糟」。

蘋果日報》引述陳百祥今日表示:

「恭喜王生,深慶得人,佢咁想做嘅人,又有熱情同動力,我都希望朋友發達,多個人競爭,呢行多人搶,自然身價高,而且佢又有本去做,我都希望佢打出一番功業,我係真心祝福佢,唯一遺憾係我唔可以跳糟,我嘅合約係無年期,我嘅心同身都支持佢,開台都會過去同佢飲杯,只係唔可以出鏡。」

廣告

2013年11月,網民發起「熄電視日」,呼籲全港市民於11月19日無綫台慶當日罷睇電視;陳百祥其時表示,不相信行動會有任何威力,揚言「如果可以熄到得番兩、三點(收視),我就跪喺度,一路由將軍澳跪返屋企啦。」台慶後他接受電台訪問時稱,之前他有關台慶收視的挑釁言論,是刻意引人注意台慶夜,一些負面傳媒都用頭版報道他的囂張言論,他已達到目的。

日前,陳百祥在電台評論港視在網上播放劇集的做法:「其實一間酒樓未發飲食牌照,咁快拎點心出嚟俾人食?點食?」,後又在電視節目中補充:「你未有牌,連大牌檔都無,你就炒哂啲嘢出來。」

廣告

發表意見