假才子

假才子

比較政治碩士學歷,現為傳媒工作者。「假才子」是因為現在流行才子才女,但又沒人敢承認自己是假大空才子才女,故先行澄清。文章寫得不好還請見諒,畢竟我不是真才子。

2019/1/24 - 18:59

全城集氣 為高官名人無償工作打氣

譚詠麟《廢青》MV 截圖

譚詠麟《廢青》MV 截圖

筆者昨日出完一篇短文之後,左思右想,越諗越覺得少梗啲嘢。名人拍片集氣,靠打氣講幾句加油,就可以各行各業市民無怨無悔,無視人工和時間和工作量,永恆咁工作下去。逆向思考,全港各行各業市民拍片集氣,靠打氣講幾句加油,係咪可都以令一眾名人同高官無怨無悔,無視人工和時間和工作量,永恆咁工作下去?

例如,下次譚詠麟開騷,大家一齊拍片為佢打氣,請佢加油努力工作,然後全部場口免費畀市民入場,得唔得?反正學佢係打氣片入面話齋,「人間有愛」吖嘛,唔係唔派愛畀市民咁無情吓話?

下次政府又有醜聞,無論係人工島飄移、鐵道工程造假、車站沉降,總之有事係令到超支,又要市民血汗錢冤枉去,大家應該拍片為主事官員和公司高層打氣,請佢哋唔好灰心繼續努力,但同時為事件負責退還 N 年人工以表歉意。無償工作好濕碎,最緊要係你哋有我哋拍片支持打氣嘛,you can do it!

廣告

 

作者網誌