立場新聞 Stand News

兩年前的毛記

2018/3/29 — 11:37

兩年前三月十九號,我上咗毛記錄影六點半左右新聞,等我返到公司後,市場部阿頭質問我:「點解去咗毛記都唔通知我,我諗住用你同毛記交換,你明唔明你嘅市場價好高。」「好玩嘛,使唔使問過你呀?」下刪一萬字。其後,紀錄咗呢段經歷,估唔到兩年後嘅今日,桃花依舊,人面全非,毛記主板上市,狠狠地刮咗狗眼看人低、狗口長不出象牙嘅腦細一巴掌。

當時喺私人面書咁講:「我甘拜下風嘅。毛記從零開始,破格顛覆傳統,五年間發展到今日規模,本地網絡影響力無出其右。將來走得多遠,飛得多高,沒有人說得準,看毛毛們的努力和造化了,我寄予厚望。」

奉勸各位老海鮮,蒸得太老啦,鞋烚烚,食之無味,棄之可惜,如果無年輕人幫手,無可能追得上日新月異、匪夷所思、能人所不能嘅科技,遲早變化石。輕視科技及創新嘅力量,對網絡文化嘅無知,因循苟且,市場會懲罰你。相反,放權,放下老海鮮嘅尊嚴,認吓低威啦,退位讓賢,借助後生仔女的幫忙,與時並進,然後坐享其成。「一」字咁淺嘅道理,唔明我都無辦法。

廣告

講舊屎,意義不大,好漢不說當年勇,但欣賞2萬4千like嘅文章,50萬人睇過,有啲啲意義。

廣告

(原刊作者 facebook 專頁

發表意見