立場新聞 Stand News

八十後種西瓜

2015/8/5 — 18:09

「網友種嘅大西瓜,直徑四寸,成個玩具波咁,得意到唔捨得切開佢。」(圖片來源:作者 facebook page)

「網友種嘅大西瓜,直徑四寸,成個玩具波咁,得意到唔捨得切開佢。」(圖片來源:作者 facebook page)

網友種嘅大西瓜,直徑四寸,成個玩具波咁,得意到唔捨得切開佢。

一刀切落去,乖乖不得了,紅噹噹,香氣撲鼻,西瓜皮仲薄過面皮。

一啖咬落去,乖乖不得了,爽颯颯,清甜香脆,西瓜汁仲多過口水。

廣告

真係咁正?有無誇張?小小感情分梗有啩,正所謂文人多大話,千里送西瓜,做人哈哈哈,心情靚,乜鬼嘢都係正。

廣告

做咗幾十年人,種咗幾十年花花草草,邊諗到香港居然有人種西瓜,收成之後,第一時間親身送過嚟請我食,我同呢位八十後網友只係有一面之緣,佢咁有心,咁尊重老人家,雖然無功不受祿,卻之不恭嘛,一字記之曰「真」。

呢篇《八十後種西瓜》係兩星期前篇《多謝九十後》嘅續集,等我嘥氣講多次,唔好貶低啲八九十後,佢哋有好多你唔識嘅才華,問題係你識唔識貨,肯唔肯畀機會佢哋發揮,畀佢哋見到未來有希望,然後耐心等候佢哋開竅嘅一日。如果佢哋開咗竅,你有本事令佢哋心甘情願幫你,咁就他條啦,好似我咁。

如果上咗位,唔識個「醜」字點寫,霸住毛坑不拉屎,不如睇下我噚日篇《傳承的真締》啦,或者就唔會無端端腳痛、腎痛啩,再跟吓呢兩位八九十後,學下整皮具,同埋種西瓜,唔使等齊人至埋班㗎。

 

原刊於作者 facebook

發表意見