立場新聞 Stand News

冇眼屎乾淨盲

2017/6/14 — 13:20

圖片來源:香港觀鳥會

圖片來源:香港觀鳥會

【文:Joey】

大埔鷺鳥林被毀,原因是雀仔屎惹投訴。

亞媽係女人:雀仔會痾屎,又嘈又會臭。有好多方法應對,洗地、兜路行、担把遮、加建行人路上蓋:樓上冷氣滴水都識加㡳盤啦,唔通拆晒冷氣機?

廣告

這種慘劇完全可以避免。

成長的雀鳥,你剪枝佢會飛走。就算要修樹,都要等繁殖期過咗、雀仔長大有毛有翼,識飛求生。

廣告

但現在是鷺鳥繁殖季節:樹上大量雀巢、雛鳥、鳥蛋,不可能看不見!修樹工人都係搵食啫:「接到 order 就照做」,平庸之惡是拆巢殺雛,斬樹覆巢豈有完卵,嗚呼小鳥一去不復返!

自古以來,村屋舊樓簷底常有燕子築巢,老人家傳統認為是吉祥,戶主會加個底盤裝雀屎,「樑上有雙燕」年年回來繁殖,吃蚊蠅飛蟲其實有益生態平衡。

現今文明倒退,人腦退化。They see only shit. 如果唔係英國佬簽落張國際濕地公約,一早剷平米埔發展起樓啦:你睇深圳發展超越香港呀!

都係新中国反傳統惹的禍,當年大躍進「除四害」,毛主席一聲令下「打麻雀」,以為會減少雀鳥啄食農作物,豈料害蟲沒了天敵,1958年全國數以十億計麻雀被敲鑼打鼓撲殺之後爆發蟲害,翌年全國失收大飢荒:死蠢也。

此所以香港精神病:阻人搵食、罪大惡極!佔中阻路就如雀屎,梁粉藍絲獻世派不惜出防暴隊催淚彈除之而後快:逆者可殺。

「回歸廿年」社會氣氛低迷,香港特區新聞一片悲涼,自殺怕層樓變凶宅,想跳樓又比人鬧消防開氣墊阻住條路,跳火車軌會阻人搭車返工遲到!悲慘世界:They don't hear the little ones crying.

 

作者簡介:作為一個香港人,時刻發揮厚多士精神,生活上眼見怪事、錯事、愈來愈過份,一於插到佢暈!Never be afraid to say what you feel - You can only die once.

發表意見