立場新聞 Stand News

【冇面俾】出席港鐵生日優惠活動 汪明荃轟受惠人數少 促馬時亨減價 「有無好後悔請我嚟呀?」

2016/4/21 — 20:32

背景圖片來源:蘋果動新聞片段截圖

背景圖片來源:蘋果動新聞片段截圖

連續7年加價的港鐵,今日邀請藝人汪明荃(阿姐)出席活動,推廣其「開心搭.生日獎」的乘車優惠。但在活動上,汪明荃不斷狙擊港鐵主席馬時亨,先炮轟生日優惠受惠人數少,之後再要求港鐵減價,最後鬼馬反問馬時亨:「有無好後悔請我嚟呀?」

汪明荃:受惠嘅人得好少咋喎

汪明荃今日出席港鐵活動,抽出5月17日為「五月之星」。當日生日的市民將可以換取全日通車票,一日內免費任搭港鐵。在抽獎前阿姐細問馬時亨活動受惠人數,馬時亨稱預計一年內有十至二十萬人受惠。

廣告

不過阿姐似乎不太滿意,在一眾傳媒面前質疑,相比每日數以百萬計的乘客,生日優惠的受惠人數太少:「點解我問你有幾多人受惠呢,你講緊係有550萬人次(乘搭港鐵),咁一個人可能(一日)搭兩次,來回咁,咁都有幾百萬人(乘搭港鐵)。其實受惠嘅人得好少咋喎。」

阿姐之後繼續咄咄逼人,「其實只要將個票價減低少少,係幾百萬人受惠,係唔係?」馬時亨臉色尷尬笑道:「完全同意…」阿姐再打斷馬時亨言論,道:「我嚟一定要俾意見你呀嘛,唔係請我嚟做咩?我都費事嘥時間。」

廣告

阿姐倡出糧翌日免費搭港鐵

面對阿姐強勁攻勢,馬時亨反應尚算不俗,他重提之前的建議,要求政府將港鐵股息補貼公共交通票價。阿姐贊成有關建議,但隨即再出新招:「我有一個好提議,每個月出糧第二日,你(港鐵)嗰日完全免費,嘩!啲人個個出街,又可以帶動消費。」馬時亨回應道:「叫啲行政人員諗一諗。」

在場的活動司儀見狀,立即試圖打圓場並中斷話題,卻被汪明荃一句KO:「你咁細個,咁快幫住公司?你嘅對象係市民呀,知唔知呀?你要為市民出聲呀!」阿姐之後又打趣問馬時亨:「有無好後悔請我嚟呀?」

相關報道:蘋果日報香港01

發表意見