立場新聞 Stand News

凡人如我

2015/1/23 — 18:25

讀文前,可以先看〈亞視搵員工拍片  幫自己打氣

凡人如我,實在無法理解亞洲電視嘅工程部人員,點解同財務部嘅係同一班人嚟。

只有喺解款車劫案,工程部aka行動組,先會同財務部aka搶錢嘅係同一班人。

廣告

問題係,亞視已經無錢咧喎,哈哈哈哈哈哈哈。

---

廣告

我真係唔忍心笑呢班員工,佢哋可能真係好愛亞視;當年費倫天拿跌落意聯乙組,我偶像巴迪高都同一齊佢哋降班。

愛,係可以一齊共患難,亦可以一齊共富貴......雖然我講唔到亞視幾時富貴過。

真係......而家冚家富貴就有。

---

你睇多幾次條片,超多亮點:

- 0:03 - 留意下最右手邊四眼哥哥仔握拳握得幾誠懇

- 0:15 - "善用資源 財務部" - 即係你叫個跛嘅 "唔好跑咁快"、光頭嘅 "洗完頭好吹乾先瞓"

- 0:38 - 朱慧珊、劉錫賢、六合彩先生......仲有....嗯......真係唔知另外嗰兩個叫乜名。

- 1:00~ 英文版。十卜、十卜。

---

免費電視台、大氣電波係寶貴嘅社會資產。一間咁嘅嘢居然存在幾十年,過去嘅幾年完全係垃圾嚟,重播重播再重播,最後重播以前啲舊節目(!!!十足十某人出書)。

你借錢畀員工,ok!咁即係唔係出糧啦,咁勞工處去咗邊?

做生意、投資梗係想搵錢。但一間咁嘅公司,無earnings prospects,但不斷有人肯注資。你講!除咗班股東係痴線嘅,有冇一個比起洗黑錢更加令人信服嘅原因?

我想講乜,大家自己參透下。

 

原刊於作者facebook page

發表意見