立場新聞 Stand News

劉浩龍奇招宣傳新歌 FB發貼嫌食肆客人手髒 影響食慾 惹網民批評歧視基層

2015/6/5 — 21:24

藝人劉浩龍今日在Facebook專頁中上載照片,相中出現一對骯髒的手,指甲邊佈滿黑垢。他留言指在食肆看到其他客人一對髒手,影響自己食慾。

「我頭先去食碗麵,對面坐咗位人(仁)兄隻手係咁嘅(當然要誇張小小(少少)啦)。我每食一啖我對眼嘅視線都要望到呢對咁污糟嘅手,我嘗試食多三啖,但係我真係堅持唔到啦,我宣佈投降"走"。」

劉浩龍又在留言中附上了他的新歌《走》的MV連結,呼應留言的最後一字。

廣告

劉浩龍Facebook截圖。

劉浩龍Facebook截圖。

廣告

不過劉浩龍用如此「出位」的手法宣傳新歌,似乎引起了反效果。因患有皮膚癌而身上長滿黑色素瘤的陳偉霖,轉載了有關報道,並留言批評:「如果你覺得黑色代表污糟的話,你正在跟我身體宣戰。」

大量網民留言炮轟其言論帶有歧視意味,對基層市民欠尊重,「宣傳新歌都唔洗講d唔尊重人既野」。亦有網民斥:「其實人地都係為左生活而要去做啲你眼中好厭惡工種,咁大個人我覺得你好應該學識乜野係尊重」、「人地靠勞力賺錢,你咁講好唔尊重人!」

知名網民「高登天后瓊姐」亦轉載了劉浩龍的言論,批評:「呀龍哥仔你⋯⋯唉,幫唔落。藝人們,不如請個pr,出post前過下目先。」

劉浩龍參加1997年無綫電視自辦的全球華人新秀歌唱大賽後入行,但星途未算如意,至2004年簽約正東唱片才正式推出大碟。在2012年他被爆出與天后容祖兒關係密切,其後他終公開承認戀情。今年3月,有報道稱劉浩龍與容祖兒同遊日本返港時,劉用腳踢向記者鏡頭。不過他事後澄清,當時只是「突然發現腳下有鏡頭」,在踢到鏡頭後亦已即時道歉。

發表意見