立場新聞 Stand News

劉鳴煒教買樓 嘲諷聲遍網絡

2015/5/20 — 18:47

華人置業主席兼青年事務委員會主席劉鳴煒接受網台訪問,建議月入萬五元的年輕人,若肯「睇少啲戲、去少啲日本」,月儲三千元首期,等待機會入市。月儲三千元論一出,即引發熱議,網民斥他「堅離地」,慨歎世事「成功需父幹」。在《大時代》中飾演丁蟹長子孝蟹的邵仲衡,對劉的言論亦有意見,他對《立場新聞》表示:「唔通唔睇戲慳返80蚊,就買到樓,係咪傻架?睇到呢個人個腦筋去到邊。」他又認為,外國往往鼓勵年輕人多看電影,多看獨立製作,「(睇電影)學習,呢個過程好重要」。

《100毛》創辦人林日曦在Facebook上指「富二代」劉鳴煒說話「未免過份充滿喜感」,並稱:「即係姚明同你講,入樽?其實唔難…趷高咪得囉」。

學民思潮召集人黃之鋒在Facebook以長文回應,指「青年人唔需要一個咁離地既富二代幫佢地同政府反映」,更教訓劉鳴煒指他應「了解今日年輕人所面對嘅壓迫」,又提醒他:「父蔭,靠唔到一世架。」

廣告

網絡作家史兄嘲諷:「就嚟用冥通紙幣都唔夠畀四成首期。$15,000人工去買樓?你估仲係吉野家下午茶$12連嘢飲嗰個年代?」

不少網民以靠父蔭買「林寶堅尼」的故事回應,感慨「成功靠父幹」,更有人指一生人不去旅行,儲錢和供款84年後,就可以「上黑車」。

廣告

另外,填詞人梁栢堅模擬警員錯誤拘控智障男事件落口供的情節,嘲諷劉嗚煒「靠爸爸」。填詞人梁栢堅今在Facebook貼出一則「葡萄劇場」:

[葡萄劇場]

警員:你買樓靠自己定靠爸爸?
智障:......靠爸爸。
警員:如果靠自己,點買樓?
智障:......買樓。
警員:點買?按樓?首期呢?唔通畀現金?
智障:......現金。
警員:現金?幾百呎已經成千萬,你一次過?
智障:......一次過。
警員:如果冇爸爸幫手,每個月儲幾多至買到你個單位?三千萬喎!
智障:......三千。
警員:得喇, 你喺口供紙度簽個名啦。

 

 

發表意見