立場新聞 Stand News

區公怪論之地鐵背囊風波

2017/3/8 — 11:38

攝於緬甸 (相:區绍熙)

攝於緬甸 (相:區绍熙)

香港地今時今日,荒誕離奇事眾多,日日新奇鑊鑊甘。日前地鐵又有新搞作,叫人唔好用背囊,因為阻住地球轉。事後班憤青嘩然,高登仔大怒,網上吹雞叫人唔好用背囊,一於改為拖喼,玩轉地下鐵。

咁搞法,當然又會出事,班黑狗自然又上車拉人,衝突在所難免。計我話,最好用番以前中國婦女嘅傳统技法帶東西出街,咁就不阻人啦。看官,請看照片,此技法中國農村依然存在,小弟细路仔年代,亦在香港見過,目前越南及缅甸大把人用。

計我話,此物帶物品坐地鐵有很多好處,一:不阻人;二,頭頂物,行唔快,所以小心走路,不會玩手機,又不能衝門。三,此為中國民間手藝,屬文化遺產,值得保存,兼推廣。反正好處多多,大家自己加上去。

廣告

最後一點,今時今日生存在香港,凡事不要火滚搞事,反智的幽默行為更行得通。祝大家坐車玩雜技,身體健康。

 

廣告

發表意見