立場新聞 Stand News

升學出路 — 升學(無)出路

2017/6/22 — 6:55

資料圖片

資料圖片

【文: 教室阿伯 @全民教育局HKEd4All】

落筆之時應屆畢業生可能去了畢業旅行,或是應付各大學系的面試。考完文憑試為乜?為升大學?搵份好工?還是求真善美?

阿伯好老土,教咗咁多年仲係未睇化,讀書學做人尋理想?唔知算唔算曲高和寡。但政府和大學似乎唔Buy。要問政府拎錢,開多啲大學學位,俾合資格考生入大學,佢死都唔放。升唔到大學已不是能力問題,某程度上取決你選科策略。再唔係,去外國或在香港考國際試拎住國際試成績排另一條隊,入本地大學亦得。當然前題是閣下負擔得起。政府現在有錢都唔直接開大學學位,送錢俾自資學位課程做生意,盤數真係唔知點計。另一邊,政府壓落去教資會又壓落去各大學,無市場效益的學系就要關門大吉。最新鮮一單就有港大天文學數學系。其實咁計落去不如摺哂所有學系,炒樓學系一統天下算罷。返回同學升學問題,當香港的升學只以市場導向,只求賺快錢,同學必然是無科可揀,更遑論升學出路。

廣告

大學的學額問題尚有人關心,其他非學位大專,以至再職專類課程如何,實在是不要多提。這類職專路向政府不太重視。在強調多元學習的教育綱領下實在諷刺。我不難想像有幾多技藝專才在文法中學被迫陪跑三年玩文憑試何其痛苦。

我們真的要問我們能提供學生什麼升學出路,又想像香港在短視無益於世的炒賣活動下,還剩下什麼。無人能設想社會的發展是什麼方向。唯有多元的空間和環境才是穩建發展的基礎,香港的升學途徑可以做到嗎?

廣告

作者製圖

作者製圖

發表意見