立場新聞 Stand News

印度人係咪特別中意食蕉?

2015/11/13 — 19:00

注意:本文純粹從一句電影對白尋找相關數據與事實,並無任何種族歧視之意。

【你要知道啲乜重點】

-全球生產好多蕉,每人平均一年食120隻。
-印度生產好多蕉,全球第一產地,產量佔全球25%。
-印度人真係好中意食蕉,每人平均一年食160隻。

廣告

【內容】

1989年上影嘅港產片《賭神》中,周潤發有一句經典對白,到咗2015年都仲經常畀網民引述:

廣告

「朋友,你返去印度食蕉啦~」

究竟,印度係咪真係好多人食蕉?印度人係咪好中意食蕉?

──────────────────

根據聯合國糧食及農業組織嘅數據顯示:

-2012年,全球生產105,635,753噸香蕉。

-一隻香蕉約重125克計(維基百科),2012年全球生產約845,086,024,000隻蕉,即8450億隻。全球人口約70億,即每人平均每年消費120隻蕉。

-以一隻香蕉3cm x 12cm計,2012年生產嘅蕉,大概等於507000個足球場(100m*60m);或者275個香港嘅陸地面積(1106平方公里)……係咪覺得我好無聊……太遲了。

-2012年,印度生產26,509,000噸香蕉,佔全球總產量25%。自1983年起,印度一直係全球最大單一香蕉生產地。

-香蕉的其他主要產地有大陸、菲律賓、巴西、印尼、烏干達、安可拉、危地馬拉同坦桑尼亞。據我食咗三十年蕉嘅經驗,香港買到嘅蕉一般來自大陸、菲律賓、巴西。

-值得留意的是,印度甚少出口香蕉。2012年,印度只出口53,793噸香蕉,佔其總產量0.2%(印度的香蕉入口是零)。相比之下,菲律賓的香蕉,約30%用作出口。烏干達、危地馬嘅出口比例係更高嘅60-70%。

-若扣除出口的0.2%,以印度13億人計算,印度人每年平均消費160隻香蕉,即大概每2.5天吃一隻!呢個數字亦遠高於全球平均120隻。

原來,印度人真係中意食蕉!

-1989年,亦即《賭神》上影與中國共產黨班仆街屠城嗰年,印度全年生產6,409,200噸香蕉。該年印度香蕉出入口近乎零,再以當時人口8.33億計,當年印度人每天平均消費60隻香蕉。26年來,印度人對香蕉嘅熱愛有增無減!由平均一個星期食一隻,增加到2.5日食一隻!(註)

原來,印度人真係食好多蕉!

-簡單數字,顯示出當年《賭神》喺資料搜集中,的確精準!食神好嘢!!

原來,印度人真係中意食蕉!
原來,印度人真係食好多蕉!

────────────────── 

註:隨印度的經濟發展,估計應有不少外資於印度設立食品加工場。印度所種嘅的香蕉(寫呢篇文,「香蕉」打咗錯九千次做「香港」),有唔少會用作製作罐頭等加工食品,再出口往世界各地。因為香蕉製品已經唔再係香蕉原物,所以呢啲加工食品喺數字上未必會歸納為香蕉嘅出口統計數字。所以,印度人一年實際食嘅蕉,應該無百幾隻咁多。不過,又有乜所謂?

數據來源
──────────────────

廣告時間:不要問,只要like。仆街史兄的專頁

你買書、我埋單」計劃正接受申請!

發表意見