立場新聞 Stand News

又貴又平庸的齋啡

2017/5/11 — 15:30

網絡圖片

網絡圖片

咁鬼貴,唔明點解咁多人樂此不疲?

咁鬼普通,唔明點解咁多人唔飲唔安樂?

又貴又平庸嘅齋啡,加埋一齊,變成拍拖讀書見客hea無所事事嘅地方,lifestyle,trendy,convenient,真係魔力無窮云云。

廣告

打死唔去,卒至又去,點解刁喬扭擰?因為未食早餐之前,唔可以食藥云云。

事緣今日按時按候乖乖地睇醫生,醫院餐廳明明可以招呼外賓,點知五月六日貼出告示,淨係可以接待醫護人員,問點解有咁嘅做法?顧左右而言他,其實唔使問,審計處報告一出,醫院公家地,唔可以做商業生意賺取利潤云云。

廣告

係人都知,醫院餐廳貴到死,無事無幹,無穿無爛,無人無物,無情情有乜人想去醫院啫,之唔係睇病探人,一個方便,從今以後就無咗,正如「高官議員」咁講,音樂人工廈開演唱會,犯法就係犯法,要申請工作證消防保安人流管制云云,矯枉過正,莫此為甚。

咁我要問,黑工和尚尼姑收費打齋超渡破地獄,集團式外來傷殘人士乞錢,外國商家擺展覧,著名學者專家演講,御用大狀過江幫有錢人辯護,國際巨星及其助手保鏢化𥺁服裝音響攝影特技人員等等等等等,係咪可以拉人封艇,仿效音樂人個案一樣,嚴謹執法,charge五條罪名云云?

有時緊,有時鬆,有時隻眼開隻眼閉,有時扮哂义燒 ,有時扮懵,其實係所有不食人間煙火嘅「高官領袖腦細」,需要學習嘅管理技巧,但「高官公僕」講多錯多,多做多錯,唔做唔錯,見低踩見高就拜,安全為上,人之常情,做人做到咁,又可憐又可悲云云。

隨筆記於百無聊賴見醫生之前

 

原刊於作者 facebook

 

發表意見