朝雲

朝雲

左膠

2018/10/26 - 18:54

反對「明日大嶼」遊行

朝雲 攝

朝雲 攝

14/10 反對「明日大嶼」遊行

遊行起點為銅鑼灣東角道,但人數愈來愈多,迫滿崇光一帶,人龍沿謝斐道不斷迤邐後移,終至景隆街。

廣告

綠腳丫

推動親子閱讀的綠腳丫 Kenny 正帶領一眾小朋友閱讀繪本,從中學習生態保育。

一對家長的孩子正在其中:「想俾佢知道而家香港發生咩事,對自己,對屋企,對將來有咩影響。」


胡女士和兒子

胡女士一家住在屯門,但依然跋涉參與遊行。

「我哋係香港人呀嘛。都想第日下一代有好嘅環境。」


黃先生和家人

「最重要係反對現今政權,對佢地嘅決定好反感,好不安。明日大嶼只係現今政府腐敗嘅其中一步,係施政報告一項好錯誤嘅決定,所以一定要出嚟抗議。」


馬傑偉(中大退休教授)

「主要覺得冇諮詢。咁大件事,程序同數據都唔係好令人信服,咁落去香港唔係好掂。」

「土地大辯論連報告都未出,突然講出嚟,成員都唔知,都冇詳細討論,但影響咁深遠。我覺得大家需要企出嚟,要求政府面對同尊重民意。」


駱穎佳(浸大通識講師)

「我覺得需要廣泛諮詢同埋討論。而家政府 bypass 所有嘢作決定,作為公民應該有 say。」

他認為「明日大嶼」關乎全港人的利益:「香港嘅土地同公帑點樣運用,城市點樣發展,唔應該係一言堂。」


黃太太

黃太太用紙筆自行手寫標語。「唔抵得政府嘥咁多錢。」


明愛專上學院

櫻子老師、賴建國老師與一眾學生參與遊行。

學生說:「其實已經有好多地可以用,唔駛嘥庫房嘅錢,特登再起人工島。我地覺得嬲同失望。」

櫻子老師說:「我地係課堂都會傾依啲議題。啱啱出咗嘅施政報告,係對年輕人更大嘅打撃。上一代辛辛苦苦嘅積蓄可能一鋪清袋。」


Becker

「我嘅答案就係:點解會唔參與?」

「當海水日漸上升,我哋仲要起個島……我唔知點解要咁做,杏花邨有眼見㗎嘛。」


黃太太和家人

「佢已經小學三年級,我覺得要俾佢學習。作為香港市民,如果見到政府有咩決定做得唔好,我地有責任提醒。」

「我係大學讀 biology,唔應該選擇填海。而且仲要用大筆儲備,一次過洗哂佢,我覺得依個係好唔負責任嘅做法。」


黃先生和家人

「我覺得冇必要填海。香港唔係冇地,仲有棕地、高爾夫球場等等。無論經濟同環境嘅成本都太高,冇辦法承受。為咗下一代唔應該花咁多錢;亦都想留番好環境畀佢哋。」

一家人排在隊尾,見證罕見的遊行人數,黃先生強調不能說慶幸,但畢竟有點欣慰。「有人願意出嚟發聲反對咁離譜嘅錯誤。」


胡先生

「明明唔駛填海,但佢哋驚得罪啲權貴,寧願用哂市民嘅錢填島。」


中大哲學系

除了各大學生會,遊行隊伍中還有一支特別的旗幟:中大哲學系。

學生說系會一班成員關心社會,遇事都會出來一起參加。


盧先生和家人

「可能要花五千億甚至過萬億儲備,但去做未必關乎香港人未來嘅工程。我哋絕對唔同意。」


Sindy 與毛毛女士(受訪者婉拒拍照)

「政府好似想一意孤行搞人工島,任何反對嘅聲音都唔會聽。但如果連(遊行)依一步都唔做,係冇法反映到市民聲音。」


王進洋

「現階段要解決東大嶼方案,所有市民都要團結,無論本土抑或泛民,甚至建制啲 fans 都要嚟,因為關乎庫房筆錢。無論邊個發起都好,就算我有啲嘢唔滿意泛民,我都會參與。」

「係依啲日子,先唔好理行動有冇成效。只要議題迫切,就應該出嚟,作為東涌居民依個係一個責任。」

他希望趁區議會選舉的機會,和同道重新宣揚市政局/區域市政局的職能,從而闡釋區議會的缺失。

 

作者 Facebook