立場新聞 Stand News

反駁楊潤雄質疑「粵教中」 Ben Sir:若有危機 我哋教育界更應拯救廣東話

2018/10/8 — 12:11

教育局局長楊潤雄昨日表示,中文發展未來會以普通話為主,香港作為一個只有約700萬人口的社會,長遠以廣東話學習中文,需要研究會否令香港失去優勢。曾任職香港中文大學中國語言及文學系高級講師歐陽偉豪(Ben Sir)昨晚拍片反駁楊潤雄言論,「點解局長將普教中與粵教中對立起來呢?」

歐陽偉豪質疑,「(楊潤雄的說法指)全世界用普通話學中文,我當你係啱,咁係咪最理想呢?」他指出,「點解我哋要跟住世界走?唔係我哋要領導世界、有創意,令廣東話學中文最優質,等世界跟住我哋走?如果乜都跟住世界走,高錕教授就發明唔到光纖。」

歐陽偉豪質疑,為何楊潤雄突然「有靈感定有天眼」,感到廣東話不能長遠發展,「若果廣東話真係長遠發展唔到落去,更要加把勁幫一幫廣東話,令到廣東話成為學習中文長遠發展嘅工具喇。」他說,「你見到個學生長遠發展唔到落去,你唔會放棄佢,會繼續救佢嘛。」

廣告

歐陽偉豪說,「我就唔明白局長係咪感到『天機』,感應到廣東話有危機,咁我哋要成個教育界拯救廣東話喇,一個地方語言唔能夠發展落去,你話幾大件事。」

他續指出,無論澳門或是大灣區同樣使用廣東話,從未聞當地官員有相似的言論,「大灣區9+2個城市,全部講廣東話,我從未睇過大灣區官員質疑自己語言廣東話能唔能夠長遠發展。」

廣告

轉任藝員的歐陽偉豪今早再在facebook留言,「我做完廣東話嘅音樂劇,你就質疑廣東話嘅前景。我而家拍緊網劇『粵語法證』,你就質疑廣東話嘅前景。我同無線傾緊未來嘅粵語多元文化嘅節目,你就質疑廣東話嘅前景…咁我就更堅定要拍齣戲,叫『同聲同氣廣東話』!」

楊潤雄昨日在facebook回應稱,自己在電台訪問中一再重申廣東話對香港來說其實是一個優勢、古詩詞歌賦是用廣東話讀出來更能帶出韻味,以及要保持廣東話等,「說遠一點,縱觀全世界,將來的中文發展,都是以普通話為主。香港這個700萬人的社會,我們用廣東話學中文,未來會不會長遠?看得再長遠一點,會不會有分別在這方面,而令我們失去優勢呢?這個要專家去研究。」

楊潤雄稱,自己在訪問過程中,全無「質疑」用廣東話學中文,只是認為長遠來說,中文教學應如何發展,可交由專家進一步硏究,以鞏固本港兩文三語的獨特優勢。

 

發表意見