立場新聞 Stand News

呢一代年輕人,開始明白 answer 唔一定得一個

2015/9/15 — 16:10

 背景圖片來源:CarbonNYC [in SF!] flickr圖片

背景圖片來源:CarbonNYC [in SF!] flickr圖片

喺外國讀書嘅時候,發覺亞洲人普遍數理科目較西方人強。亞洲人嘅家長,亦普遍較著重孩子嘅數理科成績,多過其他文史哲之類。於是有人得出結論,話亞洲人嘅數學頭腦比西方人好。

這個結論正確唔正確我唔知,不過我眼見,唔少香港嘅家長,都傾向緊張個仔嘅數理化成績,多過其他文科商科。老一輩嘅人話,讀數理容易變成專業人仕,therefore容易揾工前途好。呢個或許係其中一個原因,但我覺得,更大嘅原因係,數理科目俾到呢班家長更大嘅「安全感」,事關數理科目嘅問題通常有一個肯定嘅答案,唔會有咁多觀點與角度。香港人,習慣服從習慣聽話,面對一啲有得拗,不同觀點角度會衍生不同答案嘅議題,普遍唔多喜歡,兼且冇單一肯定答案嘅考試問題=考高分冇保障,所以,還是將focus放響啲「一就一、二就二」,唔需要咁多觀點角度嘅科目之上。

成個亞洲唔敢講,但香港呢,幾十年來都係一個追求model answer嘅社會。呢一代嘅年輕人,進化咗,開始明白answer唔一定只得一個,但係佢地嘅父母、長輩,大多仍停留喺尋找model answer嘅年代裡面。當啲仔女話俾佢地聽,答案,可以係另一個嘅時候,佢地嘅反應,有幾多係:「唔好諗埋啲無謂嘢嘞,揾返個標準答案出嚟,最緊要,考高啲分。」?

廣告

 

原刊於作者 facebook;標題為編輯所擬。

廣告

發表意見