立場新聞 Stand News

周潤發與網民交流談機場三跑:貴!唔起得唔得呀?

2015/3/18 — 18:46

有「民間特首」之稱的周潤發,下午在蘋果日報facebook即時回應讀者提問,話題由政治至閒話家常,有讀者問周潤發對機場第三跑的看法,發哥回應:「貴!唔起得唔得呀?」而正當香港為政改爭議不斷,有讀者就建議發哥參選下屆特首,發哥說,「咁你即係推我去深淵~愛我就畀我做神仙啦~」亦有不少網民希望發哥問到關於特首女兒梁齊昕的意見,但未獲回覆。

蘋果日報的即時問答活動於今午約5時開始,為時半小時,已吸引到逾3000個留言、萬多個讚好。

有讀者問周潤發:「請問發哥你對第三條跑道有咩睇法」,發哥回應:「貴!唔起得唔得呀?」

廣告

有讀者就建議發哥「不如參選下屆特首啦,好唔好」,發哥則婉拒:「咁你即係推我去深淵~愛我就畀我做神仙啦~」

而香港小商鋪的生存空間越來越窄,有人就問發哥:「發哥對大財團同街坊鋪有咩睇法?」發哥也只能嘆句:「唉..」

廣告

拍電影無數的發哥,又被問到喜歡拍外國、內地還是港產片,發哥堅定回答:「梗係港產啦!」

而獨立音樂人The Pancakes也來湊熱鬧,她早前見很多人都可以捕獲野生的發哥,但始終未輪到她,於是作了《給發哥的歌》,希望始有一天發哥可「與我偶遇一齊跳起yeah,一齊合唱呢首歌」。The Pancakes今天在答問活動中留言:「發哥,有個傻婆作咗首《給發哥的歌》,請問你有沒有聽過?識唔識唱一兩句咁?如果在街上遇到那個傻婆?你是否願意和她一齊跳起yeah咁合照?謝謝,祝你和發嫂快樂和身體健康~」發哥一口答應:「你呀~真係令我變皇上皇啦!有人作歌畀我,下次同你一路鋸pancake一路影相!多謝你多謝你!」

除了正經政事,不少人也與發哥閒話家常。很多網民也非常記得發哥的經典電影對白「朋友,你返去印度食蕉啦」,有人問發哥「可唔可以即場演繹下(吓)」,更有人戲問:「請問賭神入面果句印度文係咪真係印度文嚟?」發哥認真回答:「果句廣東話嚟架」,而蘋果日報「小編」則稱:「留意之後睇片,睇住圖先」。

不過,活動只有半小時,很多問題也未能回答,很多人也擔心特首千金梁齊昕的情況,留言向發哥請教,問他對「梁齊昕離家出走一事有咩睇法」、「請問發哥你對龍蝦打女有咩睇法」,更希望他給齊昕意見。更有人問發哥「支唔支持真普選吖」,甚至要求發哥「講《我要真普選》嚟聽下(吓)」惜未獲發哥回覆。

發表意見