立場新聞 Stand News

回應學生自殺 鍾樹根:我們成長年代更艱苦,新一代不如意就尋死

2016/3/21 — 20:18

立法會教育事務委員會今日召開特別會議,討論近期學生自殺的問題。他以自己為例,指自己成長的年代更為艱苦,沒有如此多學生自殺,質疑新一代人事事以為必然,一不如意就尋死。他又認為中國人生命力比較強,「在我們的年代,我們取笑日本人經常自殺,我們不會自殺」。

指缺乏「自圖其說」教育

民建聯鍾樹根發言時認為,有必要檢視本港整個教育系統,質疑課程是否已不合現在的小孩。他舉例指:「我哋成長個年代,我哋咪仲艱苦,係咪先?我哋經濟咪仲差嗰個年代。我哋面臨嘅挑戰唔多咩?我哋升中試、考中學會考,咪一樣要做好多exercise(練習),一樣係要搵好多補習,一樣要被人淘汰」。

廣告

他反問為何當年沒有如此多小童輕生,「係咪同小朋友宜家成長背景唔同,我哋係咪需要審視一下宜家我哋教育制度也好、教育課程也好,係唔係適合宜家呢班小朋友」。

稱中國人DNA生命力特強

廣告

鍾樹根又分析指,新一代人事事都以為是必然,一旦不如意就有尋死念頭,「我哋個年代我哋覺得好慘,有人慘過我,我好差有人差過我,我都唔使死,佢都未死點到我死?所以我哋咬緊牙關都會向上爬,但宜家啲人唔係,以為樣樣都係必然,樣樣都要有,一見到唔如意,咁不如就死咗佢。」。

鍾樹根又認為,中國人的生命力比較強,應該不會輕易自殺,「我哋如果係中國人,唔會咁容易(自殺) 。喺我哋年代,我哋笑日本人成日都自殺,我哋唔會自殺。我哋唔知有咩DNA呢,生命力特強。我哋點樣捱都得,我哋會自圓其說,因為我哋思想上、我哋體系會自我完善,但我覺得宜家教育缺乏呢種教育」。

鍾樹根又指在自己年代根本沒有「生活教育」,很多事情都是「自己搞掂」,他質疑是否香港的教育制度出現了問題。

【去片】回應學生自殺 鍾樹根:我們成長年代更艱苦,新一代不如意就尋死

【去片】回應學生自殺 鍾樹根:我們成長年代更艱苦,新一代不如意就尋死【http://bit.ly/1ScKLOG】立法會教育事務委員會今日召開特別會議,討論近期學生自殺的問題。民建聯鍾樹根以自己為例,指他成長的年代更為艱苦,但沒有如此多學生自殺,質疑新一代事事以為必然,一不如意就尋死。他又認為中國人生命力比較強,「在我們的年代,我們取笑日本人經常自殺,我們不會自殺」。

Posted by Stand News 立場新聞 on Monday, March 21, 2016

發表意見