立場新聞 Stand News

回應「高人」說科學教育

2018/1/4 — 22:47

資料圖片 l Kevin Harber @ flickr — Attribution-NonCommercial-NoDerivs 2.0 Generic (CC BY-NC-ND 2.0)

資料圖片 l Kevin Harber @ flickr — Attribution-NonCommercial-NoDerivs 2.0 Generic (CC BY-NC-ND 2.0)

有朋友傳來,有位高人對我講皇仁強調睇科學科技書有微言。其實呢個問題都係一個很小的問題,大家都興趣不大,但既然有人CAP埋圖指教,有少許想法可以交代吓(圖就唔CAP啦呢啲咁無謂嘅事)(其實下面啲嘢也在留言講過):

高人說:科學與文學一樣,均可以讓小朋友擁有無窮既想像空間——「點解雀仔會飛?」、「點解一個齒輪可以推動一架車?」、「點解舊餅跌左落地唔可以/唔應該執返黎食?」全都需要好奇心同創意,才可解決此類問題。

廣告

我其實在留言答過一位朋友,說:科學當然要有想像,但想像背後需有理論和實驗支撐才成為科學理論,這種想像不同小說的想像,小說的想像從來不用科學去證實,武俠小說的武功都經不起科學驗證。另外,更重要的是,皇仁要求的,不是叫你看科學書,還要看科技書,還要將科學理論應用在生活上。

而我點解睇完,話唔好忽略人文書呢?其實已清楚講出理由,就係小學生對科學理論和應用(是理論和應用,這是皇仁要求的,不是問雀仔點解會飛因為有翼)難提起興趣,但對故事(如睇star war、Harry Potter)一般有更大興趣。這是根據兒童發展階段說的,一個小孩的邏輯能力要到約十一、二歲後先開始變強和成熟(唔係話佢呢個階段前完全冇邏輯),而科學理論(係理論)當然係講緊嚴謹的邏輯而非想像,所以我先話只有少數孩童有興趣,小孩當然較愛想像力豐富的故事。

廣告

但其實個POST的關鍵,根本唔係講要睇咩書咁簡單,關鍵係,皇仁的說法並不是一個意見,而是為叩門入學考試提供貼士、指引,叫你讀多啲科學科技書和把科學應用在生活上(即係唔係要問點解雀仔會飛而知道會飛的動物有翼,係要知道流體力學,如果唔係點把科學理論應用在生活上),反過來說,就是多讀人文科學的話,就機會細啲。

其實呢個作為佢收生條件,大家都冇咩可以講,也可以撐話咁樣係冇貶低人文科學,但一間全港數一數二的名校,咁樣講佢向家長和社會發出咩訊息呢?如果佢目的係「搵很早已有強邏輯又對科學有濃厚興趣的人入學」,其他唔使諗,佢咁樣講也無可厚非,但基礎教育係咪應該如此?係咪應該對廣大家長和小學生發生呢個訊息?自己在心裏面問吓,真誠地去諗吓。

最後,這位仁兄指「葉生此類 KOL 都對「科學」有一定誤解」和hashtag「#人人都可以做KOL」,哈,正,呢個問題想講好耐。我從來,係從來冇自稱過KOL,有嘅話,你哋咁鍾意CAP圖,CAP返畀我。事實上,有一次跟一班網友聚會,主持人話「大家都係講時事的KOL」,嘿嘿,我今日先爆畀大家知,我事後GOOGLE先知乜叉嘢叫KOL。Follow我的人是自己決定,我只表達自己意見,從來冇諗過做咩KOL,啱聽自然有人follow,廢嘅話你自稱KOL都冇叉用,而我寫每一個POST/文更加冇錢收,仲免費畀咗啲網媒轉載添。所以有啲好天真嘅人成日以為”你呢啲垃圾做乜KOL”就當攻擊,我就覺得好好笑!

利申:我從不討厭皇仁這間學校,因為我幾欣賞的網友/名人也來自這間學校。

 

(標題為編輯所擬;原刊於作者 facebook

發表意見