朝雲

朝雲

左膠

2018/10/2 - 16:15

土地辯論塵埃落定 各自耕耘以期收成

趙同學(朝雲攝)

趙同學(朝雲攝)

土地大辯論諮詢結束,政府早有定調,人民僅被諮詢,沒有能力制約政府。在窘困之中,一些人專注播種,保存命脈,以期後世收成。

趙同學(上圖)

問:好似冇父母同家人陪你。點解會嚟參加遊行?

廣告

趙同學:都係想話畀政府聽,香港嘅土地問題真係非常嚴重。政府話填海無可避免,其實唔係,只要肯收番棕地同高爾夫球場,基本上就已經滿足要求。

✽ ✽ ✽

問:點解會關心政治?

趙同學:政治係我哋身邊問題,參與係每一個公民嘅義務。就算我只係中二嘅學生,都唔係問題,冇乜掙扎。

其實以前我都係唔關心嘅學生,但喺網絡同電視都睇到,而家香港嘅政治環境真係非常惡劣,驅使我開始關心政治。

✽ ✽ ✽

問:之前見你去過香港眾志嘅分享會,係咪推動你參與嘅動力?

趙同學:都有少少。因為睇咗黃之鋒嘅記錄片,覺得依啲係公民嘅本分,亦係我哋嘅權利。

✽ ✽ ✽

問:第一次參與遊行係幾時?

趙同學:今次。

問:父母有咩反應?

趙同學:我未講……

問:咦頭先你接受香港電台訪問,拍咗片喎。

趙同學:……我會同佢哋解釋番參加遊行嘅原因,希望佢哋諒解。

✽ ✽ ✽
✽ ✽ ✽
✽ ✽ ✽

坪輋舞火龍

坪輋的火龍雖只有四年歷史,但「被發明的傳統」是由不同世代共同創建,旨在復興農村。


 

阿嬌(左)、阿史(右)

阿嬌是古洞村民,自去年便為坪輋火龍舞龍珠,今年則和夥伴 Coco 輪流接力。面對東北發展,阿嬌形容政府「只顧地產」,不顧居民住屋問題。
 

Coco 與男友

Coco 是「義遊」的義工,她作為隊長,帶同日本人和德國人入村欣賞火龍,亦首次揮舞龍珠。有見東北發展,她感到心痛,希望政府先發展其他地方,才考慮農村。
 

野孩子

舞火龍當晚,坪輋長大的孩子穿著睡衣,和筆者一起站在水塘邊。筆者好奇問他,擔不擔心要再沖涼,他答自小已經通山跑,當然不用。筆者從未有過這種童年,不免怔忡。最後他爬上樹,靜靜地看化火龍。

 

原刊於作者 Facebook