立場新聞 Stand News

地鐵 x 食嘢

2015/6/11 — 12:14

「點解地鐵已入閘範圍內不批准飲食呢?」圖:( kinkidt.i-cweb.net;TransportationMockBundle )

「點解地鐵已入閘範圍內不批准飲食呢?」圖:( kinkidt.i-cweb.net;TransportationMockBundle )

1. 點解地鐵已入閘範圍內有好多賣食物的商店呢?
答︰因為地鐵可藉此得到天價租金,物盡其用,發揮獅子山下精神,寧願唔起洗手間焗到你腎病,都要開多兩間 shop。

2. 咁點解地鐵已入閘範圍內不批准飲食呢?
答︰因為地鐵唔想俾錢聘請額外清潔人手。而家有最低工資,人工咁貴,地鐵又只係每年賺得果百零億,邊有資源。

3. 點解咁多人要係地鐵食野呢?
答︰有好多巿民工作唔努力,以致住唔起巿區,住得遠又要番工。有時間搭車,冇時間食野。咁當然係巿民唔岩啦,唔通係地產商或政府唔岩咩。

廣告

4. 食野係咪會整污糟個車箱呢?
答︰我地係屋企食野,係咪會整污糟個屋企呢?梗係會啦。咁我地係咪唔可以係屋企食野呢?

5. 咁之鋒(編按:見下圖*)有冇錯呢?
答︰當然有啦。佢話佢唔食,咪即係批評食果啲唔岩囉。咁輕易認錯,教壞小朋友呀。

廣告

 

*注:建制專頁「時聞香港」九日上載一張照片,當中可見學民思潮召集人黃之鋒在港鐡車廂內進食,形容黃是「大話精」,又指其「講一套做一套,明知故犯在港鐵車箱(錯字,應為廂)內食嘢!」,在建制網絡圈子間廣傳,建制網民辱罵黃「老鼠偷食」、「美國狗有特權食狗糧」,指是「人性醜陋一面」,又形容黃是丁蟹。

建制專頁「時聞香港」facebook 六月九日上載一張照片,當中可見學民思潮召集人黃之鋒在港鐡車廂內進食,形容黃是「大話精」,指其「講一套做一套,明知故犯在港鐵車箱(錯字,應為廂)內食嘢!」,在建制網絡圈子間廣傳。(時聞香港 facebook 截圖)

建制專頁「時聞香港」facebook 六月九日上載一張照片,當中可見學民思潮召集人黃之鋒在港鐡車廂內進食,形容黃是「大話精」,指其「講一套做一套,明知故犯在港鐵車箱(錯字,應為廂)內食嘢!」,在建制網絡圈子間廣傳。(時聞香港 facebook 截圖)

 

原刊於作者 facebook

發表意見