立場新聞 Stand News

大專學生攝影比賽冠軍:影像同文字應該一視同仁

2016/6/7 — 12:14

新聞系學生黃敦為

新聞系學生黃敦為

【文、圖:朝雲】

今年「全港大專學生攝影比賽」,由中大新聞與傳播學院生黃敦為奪魁。

作品之搶眼,顯得實至名歸。黃在旺角衝突前線,拍下抗爭者與警察埋身對決。

廣告

筆者特邀他回現場訪問拍照。

**

廣告

問:為何報讀新聞系?

黃敦為:中六的時候遇上反國教,後來又見證傘運,都有在場記錄。參與社會運動的確是動力之一,但除此之外,自己性格怕悶,坐唔定也是原因。

上莊時亦參與了校園電台,不必抱守傳統媒體的中立框框,能夠以基進角度走訪社會議題。

***

問:年初一當晚點解會係現場記錄?

黃敦為:之前係校園電台,已經報道不同社會事件,但當時我已經落左莊。當晚本來係屋企,只係關注事情發展。但係電視直播見到開槍,知道件事不得了,要出嚟。

***

問:原來你冇任何記者證傍身,見到開槍反而出嚟?

黃敦為:我會自視為一個路人,只能執生。

***

問:警方一直不承認網媒或校園記者,正牌記者一樣照打。當時你擔不擔心?

黃敦為:當時反而唔太驚俾警察拉,過去嘅經驗,令我知道企係邊比較安全。

最擔心反而係人身安危。過去佔領最暴力的,是警察的胡椒噴霧和警棍。但這次示威者都會扔嘢,自己沒有頭盔等任何裝備,去到先明白比想像中危險。但既已嚟到,就要留下來。

問:點影到依張相?

黃敦為:當時一隊警察,抓住一個示威者,按在牆上。另一批示威者有見及此就衝過去。

依啲情況都係見到就影,可以話係機緣巧合嘅好彩,影完先發現有依一幕。

***

問:親歷這件事,你有何感受?

黃敦為:好老實,如果直接啲,問我支唔支持示威者扔磚,我答唔到,唔敢話邊個啱邊個錯。

我只能話依件事係香港歷史非常緊要,需要有人記錄。

我從來唔覺得影相有客觀。用咩角度,點樣構圖,已經唔客觀,但至少要有記錄。

主流媒體好多時都要聽上司命令,需要有人不牽涉任何利益,係現場記錄見證。

***

問:畢業後有冇打算以攝記為業?

黃敦為:有興趣亦有諗過,但有好多現實因素。人工低,冇前途,亦都未知自己能否真的勝任。

***

問:而家好多攝記都係大學畢業,但人工比文字記者低。這個現象會否影響你的選擇?

黃敦為:最近有兩個新網媒,儘管立場時惹爭議,但睇佢地報道,見到兩間媒體都重視影像。

係香港特別畸形。影像同文字都係表達方式,還有持攝影機的 Cam Man,都應該一視同仁。

 

原刊於作者 facebook;標題為編輯所擬

發表意見