立場新聞 Stand News

失控的正向思考:領展教商戶「享受壓力」

2016/3/21 — 14:28

領展的〈商戶學堂〉宣傳圖片(圖片經立場新聞剪裁)

領展的〈商戶學堂〉宣傳圖片(圖片經立場新聞剪裁)

你有壓力,我有壓力,香港社會近日承受低氣壓,房託龍頭領展(00823)特地邀請藝人兼創作人鄭丹瑞出席「商戶學堂」,分享其影視辛酸史,教導商戶如何面對逆境、處理壓力。鄭丹瑞慨嘆,其演藝發展並非一帆風順,曾考慮轉行做保險經紀, 但他抱着「永不放棄」心態,從失敗中悟出應向擅長的方向發展,最終自我突破,在事業上有進步。

鄭丹瑞坦言,人生總會遇上困難,危急關頭會令你更了解自己,只要做到「今日比當日更強大」,期待下一個壓力來臨,會助你人生一路向前走,「沒有壓力就不會進步,所以要好好享受壓力的來臨」。不知鄭丹瑞這番分享,能否協助領展商戶應付加租壓力?

— 〈領展邀鄭丹瑞教商戶紓壓 — 凌通〉,信報 2016-03-18

領展叫商戶去學「享受壓力」,真係有病。壓力?你加兩三倍租趕人走、迫繼續做嘅商戶俾錢裝修、判上判判到有X房睇場、慈善機構俾唔起超貴管理費,然後你叫人去享受壓力?呢種「失控的正向思維」跑數洗腦訓練,洗你腦洗到你覺得meet唔到target交唔起幾倍租完全係你嘅錯,年中搞到幾多人精神崩潰?

即係好似啲農場用不人道方法揸奶,揸到啲牛乳腺發炎,再質佢地食藥吊命,最後隻乳牛俾你搞到崩潰,你就換過第二隻咁樣。

廣告

正能量洗腦完,meet唔到target嘅就get out,meet到嘅你又再加佢租,直到佢地頂唔順蝕晒為止,然後又換人做。領展股價,當然係繼續升,寫上一篇嘅時候,領展市值仲係九百幾億,而家已經過咗一千億喇,恭喜晒各位領展股東。

 

廣告

原刊於作者博客

發表意見