立場新聞 Stand News

寫一篇日記有五元、背聖經一節有十元的親子教育

2016/5/4 — 11:19

網絡圖片

網絡圖片

近幾日呢篇《熬了兩年,終於等到孩子破產了》好多人share,內容大約係講個媽媽點樣訓練自己個仔理財,令佢明白咩叫入不敷支。

教小朋友用錢用得其所和有預算當然係好,但佢提供俾個仔賺取收入嘅方式就值得商榷(圖為文章節錄)。講教育兒童嘅書絕大部分都會提醒家長唔好濫用獎勵作為孩子學習嘅誘因,因為咁樣會令細路培養唔到學習興趣。

佢將個仔平時會做嘅嘢以件工制方式俾錢,寫中文、背金句、彈琴逐次計錢,咁個幾歲小朋友好容易會覺得做呢啲事嘅原因係錢,而唔係本分或興趣。長遠嚟講係幫助唔到佢培養學習嘅內在動力,反而令佢覺得學習唔係本份而係bonus。

廣告

另外,「背聖經一節10元」呢個做法,我估啲教會牧者可能睇到會頭暈。背聖經有錢呢樣嘢,感覺上同聖經教導似乎好大出入...

有人可能會問,咁最多專家教人用讚賞鼓勵小朋友學習,同俾錢有咩分別?分別係讚賞同肯定本來就唔應該有個量化嘅價格。用錢作鼓勵,只會令小朋友以為佢做一份功課或者背一段聖經只係值嗰少少錢。

廣告

文章原文

 

發表意見