立場新聞 Stand News

屯門街坊看光復行動

2015/3/10 — 17:02

資料圖片:SocREC 社會記錄頻道

資料圖片:SocREC 社會記錄頻道

3月1 日的光復元朗後,《立場》記者在事發三天後落區詢問街坊,當時不少元朗街坊贊同光復行為,直斥水貨客擾民。兩日前屯門再有光復行動,《立場》記者再次在數天後訪問屯門區街坊,不少人卻不贊同最新一次的行動,認為手法過激,亦有街坊表示不認同任何光復行動,但他們仍一致認為水貨客問題困擾當區居民

曾小姐 : (示威者)有如執行私刑

五十多歲的曾小姐認為上周日的光復行動中,有示威者錯將普通市民當成水貨客,做法不妥 :「唔係幾好。人地(指途人)行過,(示威者)係又踢唔係又踢,唔好波及無辜……無權用私刑去打人。調返轉頭,我地有時上大陸買野,咁人地又來踢我地?」

廣告

她稱不贊成第二次光復屯門,認為行動暴力 :「紓發個情懷……去遊行就無所謂,等政府部門知道有件咁的事就得啦。」但曾小姐贊成第一次光復屯門,認為示威有其作用,使內地旅客減少。

「你落來旅遊我無所謂,但你落來阻塞交通同路口,香港地方又唔係大。」她認為有水貨客聚集在店舖外,堵塞路口,令香港人無法入內購物,造成不便,政府應修改一簽多行政策 :「(可以)一個月來一次,來買一次都夠用成個月啦。」曾小姐指,自由行推出後,屯門的環境變差,又指內地旅客沒有禮貌 :「拉住個篋就『篋有篋行,人有人行』,完全唔使睇你。」

廣告

周先生 : 不應動手動腳

住在屯門二三十年的周先生並無在上周日的示威時出外,只從電視看見衝突片段,被問到是否認同示威者的行為時,他說 :「梗係唔啱啦,動手動腳都係唔啱嫁啦,最好就斯文啲。或者後生仔有時都係睇唔過眼啦,得閒過頭搞啲咁嘅野。」

但他認同水貨客擾民 :「佢地(旅客)落來買野,帶旺左香港。其實佢咁多人落來,會影響到本港居民的生活……太多人,就(帶來)反效果。」周先生認為應將旅客人數減半。周先生又認為內地旅客來港消費亦無可厚非 :「大陸個啲野又有毒又次貨,古靈精怪嘅嘢特別多。咁香港的貨,買左係有保障。有啲錢都唔想去買大陸啲『流野』啦。」他又指政府眼見示威行動,應該要有所「收斂」,限制旅客來港的次數。

點解會有示威呢? 因為政府做唔到野」

曾任職零售業、現年廿多歲的區小姐認同光復行動理念 :「佢地嘅立場、用意係好,但行動有啲過激,唔係好理水貨客呢一樣野。」她提到網上一段有關示威者指罵一對母女的片段,認為他們行動過激。她認同「光復香港」的理念,認為兩次光復屯門性質相近,手法卻「步向愈來愈激」。區小姐不認為要一刀切撤銷自由行,需要慢慢斟酌,覺得光復行動有作用,但是否會繼續支持,就要視乎行動的激進程度。

就讀中六的唐同學認同光復行動,但認為長此下去「作用唔大」 :「就算咁樣做,政府都唔會理會。」她覺得示威者在上周日的示威行動激進,也不想參與光復行動。唐同學亦認同屯門區水貨客太多 :「有時令地方比較擠逼,令我地唔夠貨品用。」

另一名住在屯門廿多年、不願透露姓名的街坊認為示威行動有其理據 :「點解會有示威呢? 因為政府做唔到野。政府唔聽人講,唔解釋又無措施,啲人梗係示威。」但他強調示威不應該有身體接觸,認為示威行動有用,能引起社會關注,又指經過光復行動後,內地旅客明顯變少。他指屯門看起來繁榮,其實物價很高,水貨客已影響當區人的生活。

蘇先生 : 示威影響市容

六十多歲的蘇先生認為光復行動影響市容 :「真係過激,太犀利。再咁搞落去仲成世界? 」蘇先生指示威行動對反水貨客完全沒有作用 :「如果你同你老豆嗌交、駁火,你老豆會唔會讓步? 唔會嘛,一定係噬你啦!」蘇先生認為,市民有意見應向政府提出,同樣不滿內地人走私水貨 :「走私客一日來幾回,就唔係幾好,始終都係攞香港啲貨物返去賣,又唔係(自)用。如果一日來一次,就無咩所謂。」

發表意見