立場新聞 Stand News

市建局也「支爆」?

2017/12/4 — 19:14

本土研究社製圖

本土研究社製圖

「支爆」危機大家近年應該聽得不少,但原來市建局都好鐘意講「支爆」(開支爆煲),不過點解講左咁多年都仲未爆,仲年年賺錢既?

其實每年市建局都會公佈一個業務綱領,列出未來五年所有預計會推行既重建發展、樓宇復修、文物保育及舊區活化項目,同時亦會列出所有項目的預計總開支。市建局過往十年每份業務綱領內「預計」的總開支平均高達271億(註一)。但我地翻查市建局的年報,發覺過往十年,每一個已完成既業務綱領(第6-11個業務綱領)的「實際」總開支,平均只有137億,遠低於當初的估算整整一倍。

過往十年,市建局已經最少估多左589億(註二)。而呢筆數仲要未計市建局5個已經公佈,但尚未完成既業務綱領。難怪市建局講左咁多年都未真正「支爆」,賺到宜家已經有超過326億資產儲備。

廣告

錯誤的估算就會帶來錯誤的發展。讓市建局透過高估未來項目需要的開支,就會合理化佢現時「掠奪基層」的重建模式,令土地只可以用賺到盡的方式發展,拒絕承擔更多社會責任,例如採用公營/私營混合物業發展模式,或於重建區興建公屋,及其他可負擔房屋等等。

奉政府喻,亂講「支爆」,害人不淺。

廣告

註一、平均預計開支的計算,包括2013-2014年起,5個已公佈但尚未完成的業務綱領

註二、歷年市建局業務綱領的預計開支及實際開支:https://goo.gl/nbxVzo 



#房屋研究
 

 

發表意見