立場新聞 Stand News

【市民唔同情的士業】的士業不滿應用程式搶客 Uber下載反急增排第一

2015/7/7 — 17:30

的士業界近日不滿「白牌車」利用Uber等手機應用程式非法載客取酬,除了昨日有約100輛的士發起遊行抗議,今日多個業界團體亦到立法會公聽會表達意見,「全港的士關注非法載客取酬大聯盟」昨指若政府未有回應訴求,召開緊急會議討論事件,一定把行動升級,不排除發動罷駛及堵路。

不過,的士業界今次的抗爭行動似乎未能得到廣大香港市民支持,除了因為不滿一般的士平常服務態度差,例如揀客、繞遠路、拒載等;早前又被有線新聞揭發有的士司機不按咪錶收費,一次過開價兜截水貨客;加上早在去年佔領期間,有的士團體針對旺角佔領區申請禁制令,使到警方有藉口清場,同時有的士團體動員到金鐘與旺角佔領區拆除路障,以上總總令市民對的士業界的怨氣日漸累積。

另一邊廂,Uber手機應用程式,今日在蘋果App Store的免費下載排行榜已升至第一位。今日不少市民都在網上留言批評一般的士的服務,反之大讚Uber服務良好,連藝人區錦棠亦在Facebook揶揄的士業:

廣告

「阻人搵食,罪大惡極。
白牌車?你估仲係六七十年代呀?
而且好似運輸署溫馨提示話齋,白牌車係無牌經營、冇第三者保險,有咩事貴客自理,而且最大獲就係,你上咗架車即係犯法,明知道錯都做,即係尋釁滋事,於法不容!
所以,大家應該繼續容忍嗰啲嫌棄你遠、嫌棄你近、嫌棄你阻佢交更、全程黑你面、唔打燈隨時左穿右插、全程開着六部電話分別對答嘅的士司機,因為佢地先至攞正牌。樹大有枯枝梗㗎啦,應該強烈要求運輸署同警方嚴正執法,維護正牌的士名聲!以後逢係見到有拒載、揀客,駕駛不當,即刻抄低牌報警。不過放心,以上都一定係極小撮害群之馬嘅所作所為,我相信所有身家清白嘅的士司機,一定同佢哋劃清界線。
話時話,我從來唔知香港有Uber,經佢哋咁樣嘈一嘈,唔該晒。」

網絡歌手龍小菌今午分享相關新聞時,亦投訴如今的士服務:

廣告

其實就國有國法,應該依法辦事嘅。不過昨晚我坐的士,話到明"呢度停得啦",司機硬係要行多幾步個錶就跳多左一下......罷駛啦你地,佔領香港~

此外,「花生日報」Facebook專頁亦為「香港的士特色」製圖,列出香港的士8宗罪,當中包括揀客(學生、大肚、傷殘特別難截)、揀隧道(吓?行紅隧?你截第二部啦)、自動收齊頭(突破4捨5入)、太近唔去,太遠都唔去等。有關圖表不到1日已有接近4,000讚好和近2,000分享。

如果你都遇過請「Share」!#唔會有香港人未遇過掛#的士特色仲未Like花生日報?快啲「Like」啦。

Posted by 花生日報 Peanuts Daily on Monday, July 6, 2015

其他網民在相關新聞下,以及Facebook的留言:

B A
你哋咁鐘意冚旗揀客!!抵死!!寧願Call車好過!!

Henry Wong
你班友揀客個時,我地同邊個投訴呀,又係輸打赢要,乞人曾。

Andy Lam
等你哋平時簡(揀)客,遠又話太遠,近嘅又唔鐘意,之前佔中又鬧人這樣那樣,今日終於報應到喇,的士佬唔係支持垃圾政府咩?做乜要做犯法事,要求慈母嚴正執法!

Seki H
D司機又揀客,唔過海唔載!
交更時間又全部唔載客,又成日亂切線!食屎啦!

Kevin Lau
無理由塞住條路,阻住人生活既,大家都要返工食飯。廢司機唔好成日要個社會就你啦,香港精神要捱得同要變通嘛。

Jack Au
揀客,劏客,冇禮貌,又唔見有改善只有惡化!狗警執法只會照顧大陸客!自作孽

Ka Ka Ho
我記得倒數個日……架架的士都話暫停載客……其實全部都係度開價………中環去銅鑼灣要100

Harry Shing Fai Wong 
班的士司機,人哋阻佢發達就鬼殺咁嘈,佢哋有啲行家兜路拒載,濫收車資,釣泥鯭,令人對佢哋反感,又係咪要檢討下?

Ivan Lok 
一班既得利益者,唔識與時俱進只懂埋怨,呢班友最後只會被淘汰。
 

發表意見